بو گونلر اوچ بُعدلی پرینترین تازا ایشلریندن تئز-تئز خبرلر وئریلیر. بو
پرینترلرین چوخو کیچیک جسملرین دوزلتمه‌سینده ایشلنیر. آما اولا بیلر 24 ساعت
ایچینده ائو یئکه‌لیقدا بیر شئیی دوزلدن پرینتری تصوّر ائله‌ماق چتین اولسون.
آما ائشتمه‌سی جالبدیر کی جنوبی کالیفرنیا دانشگاهیندا بیر گروه عالم، بئله
بیر پرینترین دوزلتمه‌سی اوستونده تحقیق ائلیرلر.
بو پرینتر، اصلینده عاغیللی بتون تؤکن روباتدیر کی بتون ایشلرینده انسان
یئرینی توتاجاق. بئله بیر روبات دوزلسه، ائو دوزلتماقدا بؤیوک تحوّل اوز وئره‌جاق.
بو شیوه‌ده
هزینه‌لر گؤزه گلیم صورتده آزالاجاق و بئله‌لیغینان زلزله اولان یئرلر کیمی
بحرانلی منطقه‌لرده، چوخ قیسا مدّتده تازا ائولر دوزلتماق ممکن اولاجاق.