نظام پزشکی سازمانی‌نین وئردیغی خبره گؤره، عمومی دکترلر انجمنی‌نین نایب رئیسی دئدی: گلیر مقداری، تحصیلات، ایش، تغذیه، اجتماعی طبقه کیمی عامل‌لر بیولوژیک عامل‌لردن داها آرتیق ساغلاملیقدا تأثیرلی اولورلار و انسان سلامتلیغیندا یوخاری نقش‌لری وار.

او آرتیردی: الده اولان مطالعه‌لره گؤره ایرانلیلارین یوزده دوخسانیندا کلسیم آزلیغی وار و بو آمار سوتون سوبسیدینی حذف ائدندن سونرا 14 درصد چوخالیب. حقیقتده سوتون باهالیغی جماعتی اونون مصرفیندن واز کئچدیریب. سوت، یئماق هرمی‌نین ارزشلی منبعلریندن ساییلیر و انسانین اونا، میوه‌دن و گؤیدن داها آرتیق احتیاجی وار. سوتون باهالاشماسیندان اوّل، اونون ایللیق مصرفی 80 الی 100 کیلو گرم ایدی کی ایندی باهالاشاندان سونرا 22 درصد آزالیب و 60 الی 70 کیلوگرمه چاتدیغینی گؤرورورق.

او آرتیردی: دنیادا گازلی نوشابه مصرفی هر نفره ایلده 10 لیتردیر. بیر حالدا کی بیزیم اؤلکه‌ده بو میزان 42 لیتردیر. بو غلط برنامه دیشلرین چورومه‌سی، بؤیرَکلرین ناخوشلاماسی  و . . . کیمی مشکل‌لری یارادیر.