عالملر
استرالیانین شمالیندا کنار بیر یئرده نئچه میلیون قدمتلری اولان اوچ جوره مؤهره‌لی
حیوان تاپیبلار.
جیمز کوک
دانشگاهیندان "کونراد
هاسکین" و نشنال جغرافیکین بیر تعداد فیلم دوزلدنلری جاری ایلین اوّل‌لرینده
هلکوپترینن «کیپ یورک» یاریم جزیره‌سینده یئر آلان «کیپ ملویل» داغلیقلارینا
گئتدیلر و بو منطقه‌ده گؤردوقلارنیدان حیرته گلدیلر.
بو تاپینتیلار، قویروغو
یارپاق کرتنکه‌له، ساری رنگده کرتنکه‌له و داش ساکنی قورباغایا شامل اولوردو کی
اونلارین هئچ بیری اوّل‌لر گؤرونمه‌میشدی.
هاسکین دئدی: بو تازا نوع
جانلی‌لاری بوردا تاپماق، تاریخی بیر کشف ساییلیر. بو اوچ مؤهره‌لی حیوانین، یاخجی
آختاریلدیغینا ایناندیغیمیز اؤلکه‌دن تاپیلماسی حیرت آمیزدیر.
عالملر بو منطقه‌یه داخل
اولدوقلاری‌نین اوّل گونلرینده بو نوع حیوانلاری کشف ائله‌دیلر و احتمالی وار آیری
تانینمامیش نوعلار دا اولسون.
بو جانلی‌لارین
بیری 20 سانتی‌لیق قویروغو یارپاق کرتنکه‌له‌دیر. بو جانلی استرالیادا ایستی جنگل‌لرین
یاییلدیغی قدیم زمانلارین یادگاریدیر. بو کرتنکه‌له‌نین ایری گؤزلری و نازیک اوزون
بدنی وار و آیری کرتنکه‌له‌لردن چوخ فرقلیدیر.
بو
تحقیقین نتیجه‌لری بین المللی Zootaxa مجله‌سینده
چاپ اولوب.