عالیملرین تازالیقدا بیلدیغینا
گؤره، انسان آغزینداکی باکتری‌لر هر کسین اؤزونه مخصوصدور و هویّتی تشخیص وئرماق
اوچون بارماق اثری کیمی اوندان استفاده ائله‌ماق اولار.
تحقیقاتین گؤرستدیغینا
گؤره، بو باکتریلرین فقط یوزده 2-سی بوتون انسانلاردا مشترکدی کی اونلارین‌دا
غلظتلری هانسی ملّته متعلق اولدوغونا اساساً فرقلی اولور. باکتریلرین یوزده سککیزی‌ده
آزمایش اولانلارین یوزده دوخسانیندا واریدی.
اوهایو دانشگاهی‌نین پریودنتولوژی
اوستادی، "پورنیما کاپور" بو باره‌ده دئییر: بو، بیرینجی دفعه‌دیر کی
آغیز ترکیباتی‌نین ملیّت تشخیصینده ال وئریشلی اولدوغو گؤرسدیلیر.
او آرتیردی: بو زمینه‌ده
هئچ کس آیریسینا تای دئییل. عیناً بارماق ایزینده اولدوغو کیمی.
DNA طریقی اینن ملیّتلرین معیّنلشمه‌سی فقط یوزده 62 دوز چیخیر آما بو
مئتوددان استفاده ائله‌ینده یوزده یوز، دوز تشخیص وئرمک اولور.
کومار و همکارلاری بو
آزمایشده آغیز سویو، دیشلرین سطحی و دیش اتی آلتینداکی باکتری‌لردن استفاده
ائدیبلر.