طبیبلر تازا بیر تحقیقده،
آجی بیبر یئییب سویوق هوا معرضینده اولان انسانلاردا بدن یاغلاری‌نین اریمه‌سی‌نین
داها سرعتلی اولدوغونو بیلیبلر. بو ایکی فاکتور بیرلیقدا اولاندا داها چوخ ضررلی
یاغلارین اریمه‌سینه سبب اولورلار.
آجی بیبرده اولان شیمیایی ترکیبلر مصرفیندن
سونرا سویوق هوانین معرضینده اولماق، بندنده قهوه‌ای یاغلی سلول‌لارین فعالیّتینی
چوخالدار. بو نوع یاغ انرژینی آغ یاغلی سلول‌لار شکلینده ذخیره ائله‌ماق یئرینه،
یاندیریر.
ژاپنلی محققلرین دئدیگینه
گؤره، بو تحقیقده بدنده‌کی قهوه‌ای یاغلی سلول‌لارین نئجه چالیشماغا مجبور ائله‌ماغی
و یا بو قهوه‌ای یاغی اولمایانلاردا اونون نئجه دوزلمه‌سی گؤرسه‌دیلیب.
بو مطالعه‌ده عالم‌لر
اوّلده بدنلرینده قهوه‌ای یاغلاری آز اولان سککیز نفری گونده ایکی ساعت 17 درجه
سانتی‌گراد هوادا ساخلادیلار. کننترل گروهو دا همان مدّتی معمولی هوادا اولدولار.
نتیجه‌لر، سویوق هوادا
اولانلارین یاغ ذخیره‌سی‌نین یوزده بئش آزالماسینی گؤرستدی. اونلار سویوق هوادا
اولاندا داها چوخ انرژی مصرف ائلیرمیشلر.
لایوسانسین وئردیغی خبره
گؤره، بو متخصص‌لر هابئله بیلدیلر کی آلتی هفته بویو آجی بیبر یئییب عینی زماندا سویوق
هوا معرضینده اولانلار داها چوخ انرژی یاندیریرلار و بدنلرینده اولان آغ یاغلی
سلول ذخیره‌لری آزالیر.