اسلام دنیاسی، عزیز بیر قوناغی قبول ائله‌ماغا حاضرلاشیر: مبارک رمضان آیی.
جسمیمیزی بو گؤزل گونلره حاضرلاماق‌دا چوخلو اهمیّت داشییر. بونا گؤره جسمیمیزی فیزیولوژیک جهتدن اوروجلوغا حاضرلاماق و گونده‌لیق غذا رژیمیمیزی تنظیمه سالماغین یوخاری اهمیّتی وار.
اوروجلوقدان نئچه گون اوّلدن اوروج توتماغا باشلاماق پیغمبر (ص) سنّتی اولماقدان علاوه بدنیمیزه اورجلوق شرایطینه حاضرلاشماغا دا کؤمک ائلر.
ایکینجی نوع دیابتی اولانلار بو آیدا تازا گؤی و توت چوخ یئمه‌لی و دِسرلرینه دارچین آرتیرمالیدیلار. گونده‌لیق بیر ایکی چای قاشیغی قدر دارچین یئماق قانداکی قندین مقدارینی تنظیمه سالار. غذادا کفایت قدر فیبر اولمالیدیر چونکی بو مادّه ده، قان قندی‌نین میزانینی تنظیمه سالار.
دیابتین ایکینجی نوعونا مبتلا اولانلار اورجلوقدا گون بویو اؤز یانلاریندا شیرین یئمه‌لی ساخلامالیدیلار کی هر وقت هیپوگلیسمیا (قان قندی‌نین آژالماسی) علامتلرینی مثلاً باش گیجللنمه، اورک بولانما و باش آغریسی، گؤرسه‌لر اوروجلارینی سیندیرماقدا شبهه ائله‌مه‌سینلر. بو علامتلر بدنین خبردارلیغیدیر.
اوروجلوقدا اوروج اولمایان ساعتلرده، بدنیزین لازم اولدوغو قدر مایعات ایچین. هئچ اولماسا گونده سککیز لیوان سو و اوندان علاوه میوه سویو، اوت دمله‌مه‌لیلری ایچین. بدنین سویونو آزالتماغا سبب اولان مایعات مثلاً قهوه و نوشابه کیمی شئیلر ایچمه‌یین. فیبرینن دولو اولان یئماقلار مثلاً تازا گؤی و لوبیه‌لری بوللو مقداردا یئیین.
جسمانی حاضرلیقلاردان علاوه، ذهنیمیزی‌ده الله-ین قوناقلیق آیینا حاضرلامالی‌ییق؛ گونده‌لیق ذکرلر، مهربانلیق، خانواده رابطه‌لرینی گوجلندیرماق، اجتماعی رابطه‌لرینی گوجلندیرماق، اراده‌میزی گوجلندیرماق و صبر، بو یولدا گؤزل آددیملارداندان ساییلیر.