گوگل شرکتی سابقه‌سیز بیر اقدامدا، اینترنت آنتنی اولان مین بالونو گؤیه گؤندماق قصدینده‌دیر. بو اقدامین هدفی جنوبی یاریم کره اؤلکه‌لرینی، اینترنتینن تأمین ائله‌ماقدیر. ایندیه‌جن بو بالونلارین اوتوزو گؤیه گؤندریلیب.
Loon آدلانان بو پروژه گوگلین اصلی آزمایشگاهی (گوگل ایکس) طرفیندن طرّاحلیق اولوب.
پروژه‌نین تحقیق مرکزی‌نین وئردیگی خبره گؤره، ایندیه‌جن زلاند نو اؤلکه‌سینده اوتوز بالون گؤیه گؤندریلیب کی یئرینن تماسلاری وار. بو بالونلارین بیر-بیرینن رابطه‌لری طیّاره‌لرین اوچما خطیندن 20 کیلومتر اوجالیقدا، دنیانین محروم منطقه‌لرینی اینترنتینن تأمین ائدن بیر شبکه یارادیر.
گوگلین اعلامینا گؤره بو شبکه‌نین سرعتی و کیفیّتی مخابرات اوچونجو نسل شبکه‌لری 3G کیمی اولاجاق. Loon پروژه‌سی‌نین مدیری‌نین دئدیگینه گؤره بو طرحین آزمایش مرحله‌سی موفّقیّتینن باشا چاتیب.
بو شبکه دنیانین باشا-باشیندا موبایل تلفونلارینان تماسا امکان وئره‌جاق.