عالیملر تازا یول تابیلار
کی آنا طبیعتین میلیونلار ایل بویوندا گؤردویو ایشی, یعنی جولبکلری خام نفته
چئویرمه‌نی, نئچه دقیقه‌نین عرضینده گؤرورلر.
میشیگان دانیشگاهی‌نین
موخقیقلری دئییرلر کی ائلیه بیلیبلر نئچه دقیقه عرضینده جولبکلری سیخیب پیشیرسینلر
و بو یاشیل جولبکین 60 درصدینی خام نفته چئویرسینلر.
"فیل ساواژ" بو
دانیشگاهین شیمی موهندیسلیق اوستادی دئییر: «چالیشیریق طبیعتین, دریا اورگانیزملرینی
نفته چئورماق پروسه‌سینی تقلید ائلیاق.
ساواژ و همکارلاری بیر
پولاد لوله‌نی یاش جولبکینن دولدوردولار و آغزینی مؤحکم باغلادیلار و اونو 1000
درجه فارنهایت ایستیلیغیندا اولان قومون آلتینا قویلادیلار. سونرا بو جولبکین
حرارتی 550 درجه‌یه چاتاندا اونو ائشیگه چیخارتدیلار.
جولبکدن یاناجاق دوزلدنلر
بو ایش اوچون اوّلده جولبکی قورودورلار و سونرا اونون طبیعی یاغینی ایستیخراج
ائدیرلر آما اونون هر بوشقاسی 20 دولارا چیخیر کی نیشان وئریر بو یاناجاغین بنزین
پومپلارینا چاتماغا چوخ یولو وار.
ساواژ دئییر: «شیرکتلر
بیلیرلر کی بو ایقتیصادی یول دئییل. بو اوزدن بیر یول آختاریرلار کی یاش جولبکدن
ایستیفاده ائله‌سینلر یعنی همن ایش کی بیز گؤردوق.»
اونون دئدیغینا گؤره «فیشار
اوجاغیندا» تولید اولان بو خام نفتده اصلی جولبکین 90 درصد انرژیسی وار.