سویوق فصلی‌ یئتیشیر و هامی اؤزونو اونا حاضیرلاییر. سویوق دَیمه قیشین همیشه‌کی یولداشیدیر و اونون قاباغین آلماغا لاپ فایدالی یول تغذیه‌نین موناسیب اولماسیدیر.

موناسیب تغذیه رژیم, ائله بیر رژیمدیر کی اوندا بوللو میوه و گؤی اولسون.

گؤبه‌لک یئمک بدنین مودافیعه سیستمینی گوجلندیرر. تغذیه‌نین کامیل اولماماسی باعیث اولار بدنین مودافیعه سیستمی ضعیفله‌سین و اینسان موختلیف ناخوشلوقلارا او جومله‌دن سویوق دَیمگه موبتلا اولسون.

بدنین مودافیعه سیستمی دوزگون ایشله‌مه‌سه, بیر ساده عفونت هفته‌لر بویو اوندا قالار و حتّا سینوزیته تبدیل اولا بیلر. آما بدنین مودافیعه سیستمی گوجلو اولسا بدن ویروسلارین قاباغیندا موقاویمت ائلر و حتّا سویوق دَیمه آثاری گؤروشسه‌ده, 24 ساعتدن چوخ دوام گتیرمز و بدن عادی حالتینه قاییدار.

یئییلن گؤی‌لرین یاریسی خام یئییلسه لاپ یاخجی اولار. آما موتأسیفانه جماعتین تکجه 12 درصدی توصیه اولان میوه و گؤیو دوزگون ایستیفاده ائدیر.