ژاپندا تازا تحقیقلر گؤرسدیر کی
بئیینلری‌نین بللی بؤلومونده ضعیف رابیطه‌لری اولانلار حادیثه‌دن سونرا ایضطیراب و
ایتسرسه موبتلا اولارلار.
مهرین وئردیگی خبره گؤره, بو تحقیق کؤمک
ائلیر کی حادیثه‌دن قاباق کیمین حادیثه اثرینده, اوزون مودّت منفی عاریضه‌لره
موبتلا اولماسی بللی اولسون.
بو تحقیقده موحقیقلر 30 نوجوانین
ایطیلاعاتینی کی 2011 زلزله‌سینی تجروبه ائله‌میشدیلر, تجزیه و تحلیل ائدیبلر.
موحقیقلر اونلارین بئینینی زلزله‌دن قاباق آیری منظورا گؤره ایسکن ائله‌میشدیلر. بو
مسأله باعیث اولدو کی موحقیقلر بو نوجوانلارین بئیینلرینی زلزله‌دن سونرا دا
تازادان آراشدیرسینلار.
دؤکتور آتسوشی سکیگوچی توکیو
دانیشگاهیندان دئییر: بو تحقیقین نوجوانلاریندان ایسته‌دیک کی بیر سئری سوآللارا
جواب وئرسینلر کی اونلارین ایضطیراب میقداری موشخص اولسون. آجی بیر حادیثه‌دن سونرا
یوخاری ایضطیراب, ایسترس ایختیلالیندان خبر وئریر.
موحقیقلر بئینین آغ
ماده‌سینده کی تغییره دیقّت یئتیریبلر. بو آغ مادّه بئینین رابیطه‌سینی تشکیل
وئریر. ائله بیر رابیطه کی بئینه بو ایمکانی یارادیر کی موختلیف قیسمتلری بیر-بیری
اینن رابیطه‌سی اولسون.
حادیثه باش وئرمه‌میشدن,
بئیینلری‌نین قاباق ساغ طرفلرینده, رابیطه‌لری ضعیف اولانلار, زلزله‌دن سونرا داها
چوخ ایضطیرابلاری اولور.