قازلی ایچکیلری باعیث اولار
چاقلیق ژنلری فعال اولسون و اینسان کؤکلسین.
موحقیقلر بونو کشف ائدیبلر
کی بیزیم ژنلریمیز یاشاییش موحیطی ایله موتناسیب فعال و یا غیر فعال اولور. تازا
بیر تحقیقین نتیجه‌لری گؤرسدیب کی بو مسأله چاقلیقدا دا صادیقدیر.
آمریکا هاروارد دانیشگاهی‌نین
عمومی ساغلاملیق موحقیقلری ژنتیکی پوتانسیل‌لر, چاقلیق و قازلی ایچکیلرین رابیطه‌سینی
آراشدیریبلار.
بو تحقیقده 28000 نفر خانیم
و 4400 نفر کیشی شیرکت ائدیب. موحقیقلر بو نتیجه‌یه چاتدیلار کی قازلی ایچکیلرین
مصرفی چوخالدیقجان نظره گلیر کی چاقلیق ژنلری فعال‌لاشیر و چکی‌نین چوخالماسینا
باعیث اولور.
قازلی
ایچکیلری گونده ایچماق چاقلیغا موبتلا اولماق احتیمالینی 5 برابر ائلر. البته
موحقیقلر هله توضیح وئره بیلمیرلر کی ایچکیلر بیزیم ژنلریمیزه نئجه تأثیر قویور
آما بعضی موحقیقلر «فروکتوز»-ون(بیر جور قند) متابولیسمینده‌کی دگیشمه‌لری بو
وضعیّتین عامیلی بیلیرلر. موحقیقلر بوندان قاباق‌دا فروکتوزو چاقلیغا باعیث اولان
سبب کیمی تانیتدیرمیشدیلار.