«جنوبی
کره» موحقیقلری بیلدیلر کی مغناطیس میدانی باعیث اولور سرطان تومورلاری اؤزلرینی
محو ائله‌سینلر و بئله‌لیکله اینسانین سرطان علیهینه گوجلی سیلاحی اولسون.
جنوبی
کره عالیملری بیر یول تاپیبلار کی مغناطیس میدانیندان سلول‌لاری هدف توتماق اوچون
ایستیفاده ائدیرلر و نتیجه‌ده بو سلول‌لار اؤزلرینی آرادان آپارسینلار.
بو
موحقیقلر گؤرسدیبلر کی بو پروسه باغیرساق سرطانی باره‌ده اثرلیدیر.
اونلارین قصدی وار بو یولی آیری
سرطانلارین اوستونده‌ده آزماییش ائده‌لر.
مخصوص سیقنالین جوابیندا
محو اولماغا محکوم اولموش سلول ییغیشیر و تیکه- تیکه اولور. آما سرطانی موریدده
بو سلول اؤلومو, باشا چاتمیر و سلول‌لار کونترول‌سیز صورتده چوخالیر.
مغناطیسله موعالیجه کیچیک
دمیر نانو ذرّه‌لره شامیل اولور کی آنتی‌بادیلره مربوط اولورلار. آنتی‌بادیلر خطرلی
ماده‌لرینن ساوشاماق اوچون, بدنین موحافیظه سیستمی واسیطه‌سی اینن دوزلمیش
پروتئینلردیر. بو دمیر نانو ذرّه‌لری تومورون سلول‌لارینا یاپیشیر و مغناطیس
میدانی اولان زمان بو مولکول‌لار بیر یئره ییغیشیب و اوتوماتیک اولاراق اؤلوم
سیقنالینی آزاد ائدیرلر.
بو تحقیقده, معده‌نین
سرطانلی سلول‌لاری نانو ذرّه‌لرین معرضینده و ایکی میدانین آراسیندا قرار تاپدی .
سلول‌لارین یاریسیندان چوخو مغناطیس تأثیری آلتیندا اؤلدو, بیر حالدا کی بو پروسه
ساغلام سلول‌لارا اثر قویمادی.
بو تحقیقین نتیجه‌لری نیچر متریالز
مجله‌سینده یاییلیب.