دؤرد ایل قاباق ماداگاسکاردا
کشف اولموش « زرافه بویونلی بوغدا بیتی », عجیب-غریب حشره‌دیر کی اوزون و بند-بند
بوینو وار. ارکک حشره‌نین بوینو دیشی‌نین بوینوندان ایکی اوچ برابر اوزون‌راقدیر کی
جوت اوستونده داعوا و یووا دوزلتمکده ایشه گلر. بیگانه‌لره اوخشایان بو حشره
ماداگاسکارین یئرلی حشره‌سیدیر کی « زرافه بویونلی بوغدا بیتی » آدلانیر. بو حشره‌نین
سیلاحی اؤزو کیمی عجیبدیر, زرافه بویونلی بوغدا بیتی ساواشماق اوچون بوینوندان
ایستیفاده ائدیر.
دئیلی میلین وئردیغی خبره
گؤره, بو حشره بالاجا آیاقلاری و کیچیک بدنی و ایکی تیکه‌لی اوزون بوینو ایله خیالی
و سورئال نقاشیلارا بنزیر.
زرافه بویونلی بوغدا بیتی‌نین
آدی اونون زرافه‌یه اوخشاماسی اوچون سئچیلیب. زرافه‌لر ده ساواشدا اوزون
بویونلاریندان ایستیفاده ائدرلر.
بو حشره بدنی‌نین چوخ
قیسمی قیرمیزی قابیغینان اؤرتولوب کی قانادلاری اؤز آلتیندا گیزلدیب. زرافه
بویونلی بوغدا بیتی‌نین ظاهیری قورخمالی گؤروشسه‌ده اینسان اوچون هئچ ضرری یوخدور.
بو حشره فقط ماداگاسکاردا
یاشیر, 2008-جی ایلینده تاپیلیب و بیلن یوخدور کی بو حشره اینقیراض خطری‌اینن اوز
به اوزدور یوخسا یوخ. بو عکسلری زرافه بویونلو بوغدا بیتیندن سالان, وحشی حیات
عکاسی نیکولای ساتسکوف, دئییر کی بو حشره‌نی یارپاقلار اوستونده گؤرنده, گؤزلریمه
اینانمیردیم.