یئرین مغناطیسی کمری گونش یئللری‌نین ذرّه‌لرینی آلماقلا, گؤیه بیر سس گؤندریرلر کی ناسا موحقیقلری اونو ضبط ائله‌ماغی باشاریبلار.

ایسنانین خبرینه گؤره, ناسانین تابیشی کمری توفانی ایکی اکیز آختارانی (RBSP) یئر اطرافینداکی بیضی مدارلاردا دولانیرلار و اونلارین یئرله فاصیله‌سی بعضاً 603 کیلومتر و بعضاً 32 مین کیلومتردن چوخ اولور.

بو ایکی آختاران کی تابیشی کمرلرینی «وان آلن» تحقیقی اوچون گؤیه گؤندریلیبلر, سپتامبرین بئشینده (شهریورین 15-ده) یئرین مغناطیسی بؤلوموندن ساطع اولان«مگنتوسفر»آدیندا رادیویی موجلارین ضبطینی باشارا بیلدیلر.

بو سس کی «یئرین اوخوماسی» (Earth's chorus) آدینا مشهوردور, گؤیده ائشیدیلیر.

آیووا دانیشگاهی‌نین موحقیقلریندن اولان «کریگ کلتسینگ» تأکید ائلیر: جماعت بو سسله اون ایللر قاباق تانیشیدی؛ قاباقلار بو سسه قولاق آسماق اوچون رادیودان ایستیفاده اولاردی کی قوشلارین های-کویونه بنزیر.

کلتسینگین دئدیگینه گؤره, بو سسلر یئرین مگنوسفری‌نین یوخاری لایه‌لرینده‌کی قودرتلی ذرّه‌لردن ساطع اولور و اونلاری آلماق سحرلر داها راحت اولور و بونا گؤره اونا «سحر نغمه‌سی» آدی‌دا وئریلیب.

بو رادیویی موجلار ائله فرکانسلاردادیلار کی گؤیده‌کی اینسان فقط ایمنی بؤرکونو چیخارتسا اونو ائشیده بیلر.

«وان آلن» تابیشی کمرلر, ائله ذرّه جریانلاریدیر کی یئرین موجاویرتینده گونشین یئللریندن گلیب و یئرین مغناطیسی میدانیندا تله‌یه دوشورلر.