عالیملر تازا بیر ایقدامدا ائله ایش گؤردولر کی ائلیه بیلر
دیش دؤکتورلرین بئکار ائله‌سین. اونلار بیر جور واکسن دوزَلدیبلر کی بیزی همیشه‌لیق
دیش چورومه‌سی موقابیلینده موقاویم ائدیر.
آمریکانین فوریست مؤسیسه‌سی‌نین موحقیقلری بیر واکسن دوزلدیبلر
کی دیشلرین چورومگینه باعیث اولان mutans
streptococci باکترینی
آرادان آپاریر.
بو
باکتری غذانی تجزیه ائدنده لاکتیک اسیدی تولید ائدیر کی دیش میناسینی یونور و
چورومگه سبب اولور.
بو
واکسن ایمنلیق سیستمینه اؤرگه‌دیر کی باکتریلرین دیشلره یاپیشماسینا سبب اولان
آنزیملری اؤلدورمک اوچون, آنتی‌بادی دوزلتسین.
بو
باکتریلر دیشه یاپیشماسالار آغزین سویو اونلاری یویار و دیشلر سالیم قالارلار.
سیچانلار
اوستونده اولان آزماییشلر گؤرسدیب کی بو واکسن دیشلرین چورومه‌سی‌نین قاباغینی
آلیر. آداملار اوستونده اولان آزماییشلر ده اوخشار نتیجه‌یه چاتیب.
بو
واکسن دیشلری بؤیومکده اولان بیر یاشدان کیچیک اوشاقلارا وئریلیر. دیش پلاکی
باکتریلری‌نین دوزلمه‌سیندن قاباق.
دؤکتور
دانیل اسمیت بو مؤسیسه‌نین موحقیقلریندن بیری دئییر: «اوشاقلارا کیچیک یاشدان بو
واکسن وورولسا نظریمه بئله گلیر کی دیش پلاکلارین ییغیشماسی‌نین قاباغین آلماق
اولار.»
موحقیقلر
دئییرلر بو واکسن بورون قطره‌سی صورتینده اولا بیلر کی اوشاقلارا و بؤیوکلره
چتینلیغی اولماسین.
بورون
و آغیزین بیر-بیرلرینه ایرتیباطلاری وار و واکسن بوروندان داخیل اولسا, آنتی‌بادیلر
آغیز سویونا یول تاپا بیلرلر.
گلن
نئچه ایلده بو واکسن بازارا گلسه دیش و آغیز ساغلاملیغینی تپ-چئویر ائده‌جک.