آروادلار گونده بیر آلما یئسه‌لر کولسترول قاباغیندا بیمه
اولارلار. حتماً ائشیدیبسیز کی گونده بیر دانا آلما یئیه‌نه دؤکتور لازیم اولماز.
آما تازا تحقیقلر گؤرسه‌دیر کی آلمانین هامی‌یا فایدالی اولماسیندان علاوه
آروادلارا داها چوخ فایداسی وار. موحقیقلر دئییرلر آروادلار گونده بیر آلما
یئماغینان قانلارینداکی پیس کولسترولو آزالدیب و موثبت کولسترولو چوخالدیرلار. بو تحقیقده
آلتی آی بویوندا گونده 75 گیرم قورو آلما یئیه‌ن خانیملارین پیس کولسترولو 23 درصد
آزالیب و یاخجی کولسترولو 4 درصد چوخالیب.
آرمانین
گوزاریشینه گؤره, بو موطالیعه ایکی گروه 45 دن 65 یاشا قدر خانیملاردا انجام تاپدی
و بو موطالیعه‌ده بیر گروه بیر ایل بویو قورو آلما یئدیلر و او بیری گروه آیری قورو
میوه یئدیلر. اوندان سونرا اوچ آی, آلتی آی فاصیله‌اینن و آخیرده اونلاردان قان
نمونه‌سی آلیندی و بیر ایللیق دؤره‌نین آخیرینده بو نتیجه آلیندی کی آلما یئیه‌ن
خانیملارین پیس کولسترولو آزالمیشدی. عالیملر هابئله بیلدیلر کی آلمادان بدنه جذب
اولان گونده 240 کالوری نه اینکی خانیملارین کؤکلویونه باعیث اولماییب بلکه بیر آز
دا یونگوللشیبلر. عالیملرین دئدیگینه گؤره, بو آزماییش قورو آلما اینن اولسا دا بو
نتیجه‌نی تازا آلمادان دا گؤزله‌مک اولار. بیر لیوان دوغرانمیش تازا آلما, لیوانین
دؤردده بیر قورو آلما اینن برابرلیق ائلر.