اون ایل اولار کی عالیملر
دریایی جؤلبکلرین اهمیّتینی بیلیبلر و بو جؤلبکلرین ایچینده «chlorella» جؤلبکی‌نین اهمیّتی هامیسیندان چوخدور کی بیر اعلا غذایی ماده
کیمی تانینیب.
حقیقتده اونلاری بیر کامیل غذایی ماده
کیمی تانیماق اولار چونکی اوندا کلوروفیل, B ویتامینی, Cویتامینی, E ويتامينی, بتاکاروتن, آمینه اسید, منیزیوم, دمیر, معدنی ماده‌لر,
کربوهیدرات و چوخلی پروتئین (50 درصددن چوخ) اولور.
هابئله بدنده اولان زهرلرله قاریشیب و
اونلاری ائشیگه هیدایت ائلر. یوخاری پروتئینینه گؤره گیاهخوارلار اوچون موناسیب
سئچیمدیر.
«chlorella» جؤلبکی‌نین موهوم خاصیّتی بدنین زهرین آلماقدیر. بعضی تحقیقلر
گؤرسدیر کی بو جؤلبک آغیر فیلیزلری بدندن دفع ائدر و باعیث اولار بدنین بافتلاری آز
صدمه گؤرسون.
بو قابیلیّتین اهمیتی اوردا
بیلینیر کی آغیر فیلیزلر هله-هله بافتلاردان آیریلمازلار و بونا گؤره خاص صنایعده
ایشله‌ینلر اوچون و یا تشعشوعات معرضینده اولانلار اوچون یوخاری اهمیتی
وار.
آیری طرفدن دریالارین آلوده
اولماسی نتیجه‌سینده بعض بالیقلارین بدنی جیوه‌یه آلوده اولور و تحقیقلر نیشان
وئریرلر کی سرطانی سلوللارین چوخوندا جیوه اولور. آلزایمر ناخوشلوغو و عاغیل
ایتیرمه داها چوخ آغیر فیلیزلردن مسموم اولان شخصلرده گؤروشور.
«chlorella» جؤلبکی, قانی تمیزلر و قان جریانیندا اوکسیژنی سهمانا سالار.
اونون مصرفی ایله بدن قلیایی اولار و اسیدوز حالتی (قان و بافتلاردا PH-ین آزالماسی) آرادان گئدر. بونلاردان علاوه قان فیشاری, آغری و
ایلتهابی آزالدار و بدنین مودافیعه سیستمینی گوجلندیرر.