کؤرپه‌نین نئچه آیلیغیناجن موسافیرته
گئتمک دوز دئییل. دوغومون ایلک آیلاریندا, کؤرپه‌نین بدننی ضعیف اولار و
ناخوشلوقلار موقابیلینده دیفاعسی ناقیص اولار. بونا گؤره خانیواده‌لر گرک اوشاغین
ایلک نئچه آییندا موسافیرته چیخماسینلار. هاوانین دگیشمه‌سی و ایستی-سویوغون
کؤرپه‌یه ضرری وار و هم‌ده هر منطقه‌نین میکروبلاری مخصوص اولار کی کؤرپه‌نی
موسافیرته آپارسان احتیمالی وار اوشاق تازا میکروبلارین موقابیلینده دوام گتیره
بیلمه‌یه.
هابئله موسافیرت زمانی قالماق
اوچون هوتئل کیمی عمومی یئرلردن ایستیفاده اولسا کؤرپه‌نین عفونتینه ایمکان چوخالار
چونکی بللی دئییل کیملر او هوتئلده قالیبلار. موسافیرت طیاره‌اینن اولسا, یاخجیسی
بودور کی طیاره‌نین یئنیب قالخان زمانلاری کؤپه سوت یئسین چونکی بو شراییطده
اوشاغین قولاغینا صدمه دَگمز. بو جور سفرلرده هاوانین دَگیشمه‌سی‌نین چوخ اولماسینا
گؤره گرک کؤرپه‌نین هاواسینا چوخ دیقّت اولا و او ثابیت هاوادا
ساخلانیلا.
کؤرپه‌نی تازا افرادینان
تماسی اولماسا یاخجیدیر. هم‌ده موسافیرتده اللری یوماغین چوخ اهمیتی وار و بو
ایش‌اینن عفونتلرین قاباغی آلینار. والدین گرک موسافیرتده اللرینی واسواسلیق
حدّینده یوسونلار.
نئچه آیلیق کؤرپه‌یه یئمه‌لی
داوا یوخدور آما اگر اوشاغین بورنو توتولسا کلسیوم قطره‌سیندن ایستیفاده ائله‌مک
اولار و یا اگر ایضطیراری شراییط قاباغا گلسه لاپ چوخ بیر وعده ایستامینیفوندان
ایستیفاده ائله‌مک اولار.