اینسانلارین یاشینی بللی ائدن
ایسکنلر
موحقیقلر کشف ائله‌دیلر کی
بئینیمیزده بیر جور ساعت وار کی دقیق یاشیمیزی نیشان وئریر.
تازا تحقیقلرین نتیجه‌سی اساسیندا,
موحقیقلر دئییرلر کی بو کشف طیبّ عالمینده بؤیوک ایشلره سبب اولاجاق و اینسان
بئینی‌نین زمان بویو نئجه دگیشمه‌سینی گؤرسه‌در.
سن‌دیگوداکی عالیملر دئییرلر کی
ایندی بیر MRI ایسکنی‌اینن اینسانین یاشی
بللی اولار. تیموتی براون کالیفورنیا دانیشگاهی‌نین سن‌دیگو طیبّ دانیشکده‌سیندن
دئییر: بیز اینسان بئینینده بیر یاشلانما ساعتله اوزلشدوق کی یاش فرقلرینی دوزگون
صورتده گؤرسه‌دیر و اینسانلارین بیر-بیری‌ایله فرقلی اولماقلاری اوندا اثری
یوخدور.
او
MRI سیستمی‌اینن
3-دن 20 یاشاجن 885 نفرین بئینینی ایسکن ائله‌ییب.
بو ایسکنلر 231 بئیین آناتومی یاشام
شاخیصلری تانیماق اوچون ایستیفاده اولدولار و موحقیقلر ائلیه بیلدیلر اونلاردان
ایستیفاده ائله‌ماغینان افرادین یاشینی 92 درصد دوزلوغونان تشخیص
وئرسینلر.
موحقیقلرین دئدیگینه گؤره بو سیستم
قاباقکی سیستملردن داها دقیقدیر.
براون دئییر: بو واقعیت کی
بیز اینسانلارین یاشینی گؤرسه‌دن بئیین ایسکنلرینی کشف ائله‌میشوق بو
معنایادیر کی مغزین روشدی قاباقجادان بیلدیگیمیزدن داها کونترول اولا
بیلندیر.