ایفطارینان اوباشدانلیق آراسیندا
واختین آزلیغی موتأسیفانه باعیث اولور اوروج توتانلار سوت محصوللاری یئمه‌سینلر و
بونا گؤره اوروجلوغون آخیرلرینده آرتیق ضعیفلیغا موبتلا اولسونلار.
اگر حیسّ ائله‌سیز کی حوصله‌سیز
اولموسوز و یا اوروج توتماق اوچون بدنیزین گوجو قورتولوب, ائله بو گئجه‌دن
ایفطاردان اوباشدانلیغاجن زولبیه بامیه, ساری شیله, حالوا و ساییر شیرین
یئمه‌لیلرین عوضینه, یاغسیز و شیرینی آز اولان سوت محصوللاریندان یئیین.
ایستی سوت, پنیر, فیرنی و سوتلی آش
بدنی تقویت ائله‌ماغا یاخجی سئچیمدیلر.
پاستوریزه سوتو
قایناتمایین
ایفطاردا و اوباشدانلیقدا داغ سو,
چای و شربت عوضینه ایستی سوت ایچین. پاستوریزه سوتلری قیزیشدیماق اوچون اونلاری
قایناتماق لازیم دئییل, بیر آز قیزیشدیرساز گؤرر.
سوتو قایناتماق, اونداکی ترکیبلری
دَییشر و B ویتامینلرین آرادان آپارا و اونداکی کلسیومون
جذبینی آزالدار.
سوتلی آشین پروتئین ارزیشی
چوخدور
سوتلی آش یونگول, تئز هضم اولان و
فایدالی غذادیر و اوندان علاوه شکری و یاغی یوخدور. اونون لاپ موهوم خاصیتی اوندا
اولان دویو کربوهیدراتلاریدیر کی روده‌ده تدریجله هضم اولار و اوروجون آجالماسینا
مانع اولار. بیرده دویویه سوت آرتیرماقلا, کؤپ و سوتون هضمیندن یارانان هضم
موشکوللری‌ده آزالار. سوتلی آشین ارزیشی, سوتونن دویونون قاریشماسینا گؤره چوخ
یوخاریدیر.
سوتلی آش تازا اوروج توتانلارا و
ایستی گونلرده باش گیجللنمه توتانالارا یاخجی سئچیمدیر. بو غذالارین شیرینلیغین آز
ائله‌سیز اؤزوزون حقّینده بؤیوک لوطف ائله‌میسیز.