کالیفورنیا تکنولوژی مؤسیسه‌سی‌نین
عالیملری سویو اکسیژن و هیدروژئنه بؤلماق اوچون تازا مکانیزم تاپیبلار.
ایرنانین ساینس‌دان وئردیغی گوزاریشه
گؤره, ایندیه‌جن سویو تجزیه ائله‌ماق یوللاری چوخ بوروشوق ایدی و بعضی جانیبی
محصول‌لارین تولیدینه مونجر اولوردو, اوندان علاوه بو یوللارین بعضیسی زهرلیدی و
موحیط زیستی آلوده ائدیردی.
تازا یول ساده و ال‌وئریشلیدیر و اونون
لاپ موهوم مزیّتی بودور کی آشاغی دمادا انجام تاپیر.
دئمک اولار کی هیدروژن یاشاییش و
صنعتین بوتون شاخه‌لرینده, قره نفتدن گوگوردونو آییرماقدان توتدو مصنوعی ویتامینلر
دوزلتماقدا ایشله‌نیر.
عالیملر بئله اینانیرلار کی چوخ
یاخین گله‌جاقدا اینسانین یاناجاغی هیدروژئندن تأمین اولاجاق نیه کی شیمیایی
مادّه‌لر بو یولونان یاناندا گولخانا گازی تولید ائله‌میرلر. اوندان داها موهوم بو
کی یئرین دؤردن اوچو سودور و اینسان بو منبعه ال تاپماقدا موشکولو
اولمایاجاق.