آزادلیق قانون چرچیوه‌سینده تعریف
اولار/آزادلیق ایلاهی نعمت و ایمتحاندیر
ایمام خمینی(ره) بونا اینانیردیلار
کی آزادلیق قانون چرچیوه‌سینده تعریف اولار, و بویوروردولار: دونیانین هر یئرینده
بئله‌دیر کی هر میلتین کی آزادلیغی وار او اؤلکه‌نین قانونلاری چرچیوه‌سینده‌دیر.
هئچ‌کس آزادلیق آدینا قانونی آیاقلیه بیلمز.
ایمام خمینی(ره) اندیشه آزادلیغینا,
سالیم فضا یاراتماق ضرورتی باره‌ده دئییر: نیگرانچیلیغا باعیث اولان فی‌الجمله
بودور (کی الآن جماعتین بوتون قیشرلری بیر جور آزادلیق احساس ائلیرلر), بو
آزادلیغینان نه ائله‌مک ایستیروق؟ و بونا خاطیر, سیز آزادلیغینان بیزیم یانیمزا
گلدیز حال‌بوکی قاباقجادان گله بیلمزدیز. بیز آزادلیغینان سیزینن دانیشیریق و سیزده
بیزینن دانیشیرسیز. ایندی کی آزادیق, بوتون قئید بندلری قیرمالی‌ییق؟ آزاد اولان
لحظه‌دن هر نه ایستیروق ائلیاق؟ یازاق؟ هر ایش گؤراق؟ آزادلیغین معناسی بودور کی
جمهوری ایسلامی‌ده بوتون قئید بندلر گؤتورولسون؟ هر کس هر نه ایستیر ائله‌سین؟ حتّی
اومّتین و ایسلامین و قورآنین خیلافینا اولسا. یا یوخ, ایسلامین بیزه وئردیغی
آزادلیق اولا؛ ائله آزادلیق کی چرچیوه‌سی وار.
ایمام اینانیردیلار کی آزادلیق قانون
چرچیوه‌سینده تعریف اولور و بویوروردولار: دونیانین هر یئرینده بئله‌دیر کی هر
میلّتین کی آزادلیغی وار او اؤلکه‌نین قانونلاری چرچیوه‌سینده‌دیر. هئچ‌کس آزادلیق
آدینا قانونی آیاقلیه بیلمز. آزادلیق بو دئییل کی مثلاً کوچه‌ده دوراسیز و رد
اولانلارا یامان دئیه‌سیز, آللاه ائله‌مه‌میش آغاجینان ووراسیز و دئیه‌سیز من
آزادام. بو دئییل کی قلم گؤتوره‌سیز و هر نه گؤیلوز ایستیر یازاسیز حتی ایسلام و
قانون ضیدّینه.
ایمام خمینی (ره) آزادلیغی بیر ایلاهی
ایمتحان بیلیردیلر و اینانیردیلار کی «ایندی آللاه بو آزادلیغی وئرماغینان بیزی
ایمتحان ائلیر. بیر واخت ائلیه بیلمزدیز بیر ایش گؤره‌سیز. ایندی آللاه عینایت
ائدیب کی آزادلیغا مانع اولانلار اؤلکه‌دن ایخراج اولوبلار. آللاه سیزی بو یارانمیش
آزادلیغینان ایمتحان ائلیر. آللاهین نعمتلری بنده‌لرین امیتحانیدیر. گؤراق کی
آللاهین بیزه وئردیغی نعمتی شوکران ائدیریک یوخسا کوفران. کوفران بودور کی
آزادلیغیمیزی کیفیر ایشلره وسیله قرار وئراق. شوکران بودور کی آزادلیغی آللاه
ایسته‌ین یولدا ایشله‌داق. بیزه وئریلن آزادلیق بیر ایلاهی پایدیر کی خیانت
ائله‌ساق ایمکانی وار آللاه وئردیغی پایی بیزدن آلا و بیز سابیق حالمیزا قاییداق.
هامیمیز بو مسأله‌یه دیقّت ائله‌مه‌لیوق کی یارانمیش آزادلیقدان سوءایستیفاده
ائله‌میاق. (جنوب ساحیللری خانیملاری جمعینده 12/4/58)