تصوّر ائتمک چتیندیر کی اوشاغین
مشغولیت ممه‌سی یا پلاستیکدن اولان اویناتمالیسی‌اینن اوشاغیزین کؤکلمه‌سی‌نین
رابیطه‌سی اولسون. آما بیر تازا تحقیق گؤرسه‌دیر کی فتالات آدیندا پلاستیکلده
اولان مادّه, ایمکانی وار اوشاقلارین کؤکلمه‌سینه سبب اولسون.
هلث‌دی نیوزون گوزاریشینه گؤره, جنوبی
کره موحقیقلری کی بو تحقیقی آپاریبلار دئییرلر بو شیمیایی مادّه بدنده‌کی یاناجاق
و یاغ تنظیمله‌مه‌سینه اثر قویا بیلر.
بو موحقیقلرین دئدیگینه گؤره DHEP ائلیه بیلر ایکی یوللا بدنده یاغ تولیدی‌نین
چوخالماسینا باعیث اولسون. اولا بیلر بو ماده آندروژنلری (کیشیلرین جینسی
هورمونلارین) آزالتسین, آندروژنلر بدن توده‌‌نین شاخیصینی آشاغی یئندیررلر. (بدن
توده شاخیصی‌نین یوخاری اولماغی کؤکلوق علامتیدیر.) اونلار دئییرلر بو ماده
تیروئیدین ایشنیه خیلل وارید ائلیه بیلر و تیروئیدین آز ایشله‌مه‌سی بدنی
آغیرلادار.
بو موحقیقلرین دئدیگینه گؤره
فتالاتلاری هر یئرده_یئمک, سو, پلاستیک کیسه‌‌لر, بزک وساییلی, لوسیونلار,
شامپولار و اویناتمالی‌لاردا_ گؤرمک اولار. اونلار دئییرلر حامیله خانیملار و
کؤرپه اوشاقلار بو ماده‌یه حساسدیلار و سو و ایستی یئمکلری پلاستیکی قابلارا
قویولماسی خطرلی اولا بیلر.