چینلی و آمریکالی عالیملر ریاضی اولگاریتملر و مئتا مَوادلارلا گؤرونمه‌ین
اؤرتونون جورله‌مه‌سینه بیر آددیم یاخینلاشدیلار.
شیمالی کارولینا ایالتینده‌کی دوک دانیشگاهی‌نین موحقیقلری, ریاضی
اولگاریتملردن ایستیفاده ائله‌مکله «مئتا مَواد»ین دوزلتمه‌سینه یاخینلاشیبلار.
بو تیم Science
ژورنالیندا یازیر : «بو مادّه الکترو مغناطیسی دالغالاری اؤزونون آیری طرفینه
اینتیقال وئره بیلیر. و بئله‌لیکله نظره گلیر کی دالغا بوش فضادان سووشوب.»
بو تیم
اؤز بیانیّه‌سی‌نین ایدامه‌سینده یازیر: «بو مادّه‌لر, دالغالارین اینسیدادی‌نین
اثرینی آرادان آپارماغینان ائلیه بیلرلر سیمسیز رابیطه‌نی یوکسلتسینلر. بو وسیله
زلزله دالغالاری‌نین خونثا ائله‌مه‌سینده کؤمک اولار بیلر.»
بو تیمین ارشد
موحقیقی دیوید ر. اسمیت, بو اینامدادیر کی گؤرونمز اولماق, یای گونلرینده‌کی سرابا
اوخشاییر.
او بو باره‌ده دئییر:
«سراب اولاندا بئله گؤرونور کی یئر اوزونده سو آخیر آما حقیقتده بو, گؤیون آسفالت
اوستونده‌کی اینعیکاسیدیر. بو میثالدا سیز جاده‌نی گؤرمورسوز چونکی سراب جاده‌نی
گؤرونمز ائله‌ییب. بیز ده بوجور زاددلاردان ایلهام آلیریق.»
پروفسور اسمیت آرتیریر: «بو گؤرونمزلیق وسیله‌سی چوخلی دالغالاری خونثا ائلیه‌بیلر
و مادون قیرمیز قاباغیندا دا موقاویمدیر.»
بو موحافیظین دوزلتمه‌سینده 10 مین قطعه فایبرگلاس ایشله‌دیلیب.