حاملیه خانیملارا
قاطار لاپ یاخجی سفر وسیله‌سی‌دیر, نیه کی داها موطمئیندیر و چوخ یورماز.
جام جمین بهداشت
وزیراتیندن وئردیگی گوزاریشه گؤره, بیر ماما لیسانسی بو مطلبی دئماغینان آرتیردی:
اوست-اوسته سفرده حامیله خانیملاری اوچ خطر تهدید ائلیر: سفر موشکول‌لری, مقصدده‌کی
عفونی ناخوشلوقلار و شخصی بهداشتین رعایت اولونماماسی.
او آنالارین سفرده
اهمیت وئرمه‌لی مسأله‌لره ایشاره ائدیب دئدی: بو موریدلرین بیری واکسناسیوندور و
ضیمناً هر جور واکسن حامیله خانیملارا توصیه اولمور.
صدیقه علیشاهی
آیدینلاتدی: سو چیچگی, قیزیلجا, مخمرک, اوریون و BCG-یه تای واکسنلری کی ضعیف ویروسلاری بدنه گؤنده‌ریر و او ناخوشلوغو
یونگون صورتده اینسانا گتیریر, حامیله خانیملارا خطرلی‌دیر. آما A و B هیپاتیتی, آنفولانزا و کوزاز واکسنلری‌نین
حامیله خانیملارا خطری یوخدور و شاید بو ناخوشلوقلارین معرضینده اولان آنالارا
توصیه اولا.