برسیتول دانیشگاهی‌نین
موحقیقلری قودرتلی دستگاهلارینان مکه شیتیلی‌نین سسینی کی کیلیکه بنزر نارین سسدی,
ضبط ائله‌دیلر.
انگلیستانلی موحقیقلرین
ایدّعاسی وار نباتات, ریشه‌لرینده نارین سسلرله بیر-بیرلری‌اینن دانیشیرلار !
ایسنانین گوزاریشینه گؤره, تازا تحقیقات گؤرسه‌دیر کی
نباتلار نه اینکی اطراف سسلره عکس‌العمل نیشان وئریرلر بلکه اطرافداکی نباتلارینان
نارین سس تولید ائله‌ماغینان دانیشیرلار !
بریستول داانیشگاهی‌نین موحقیقلری مکه شیتیلی‌نین سسین
ائشیتماق اوچون قودرتلی میکروفونلاردان ایستیفاده ائدیب اونلارین کیلیکه بنزر
نارین سسلرینی ضبط ائدیبلر.
نباتین ریشه‌لری سودا موعلّق اولاندا و اوخشار بیر فرکانسینان
داواملی سس یاییلاندا, نباتین ریشه‌لری سسه طرف گئتدیلر.
موحقیقلرین دئدیگینه گؤره, نباتلارین بیر-بیرلریله مخصوص
دیلده دانیشماغا بو بیرینجی نمونه‌لردیر کی اینسان او سسی ائشیده بیلمز.
بریستول دانیشگاهی‌نین
زیست شیناسی موحقیقی پورفوسور «دانيل رابرت» دئدی: کیلیکه بنزر نارین سسلرده بو
پوتانسیئل وار کی نباتلارین ریشه‌لری آراسیندا بیر رابیطه کانالی قورسونلار.
نظره گلیر کی سس و تیتره‌ماق نباتلارین یاشاییشیندا موهوم
رولو وار.
بو میلادی ایلین اوّل‌لرینده ده انگلیسین اگزتر دانیشگاهی‌نین
موحقیقلری بیلمیشدیلر کی کلمه باغبان قیچیسی و یا نبات یئین قورت یاخینلاشاندا,
خطر اعلامی اوچون اؤزوندن هوشدار وئرن گاز بوراخیر.