زیندگانلیقدا آرامیش احساسی چوخ زادلارا
باغلیدیر کی اونلارین بیری یاخجی تغذیه ائله‌ماق و دوزگون یئماق عادتلره صاحیب
اولماقدیر.
موناسیب تغذیه, ورزیش و موتعادیل بیر
عاطیفی یاشاییش, سیزین فیکری آرامیشیزده چوخ تأثیری وار. بعضی واختلار عصبی اولماق
بعضی یئمه‌لیرلرین چوخ یئمه‌سی و یا آز یئمه‌سی اثرینده اولور.
دوزگون اولمایان عادتلرین بعضی‌سین
بیلماق اوچون بیزه قوشولون.
قهوه
بونونلا بئله کی قهوه اندازه‌سی‌جن
ایچیلسه بدنه فایدادیر آما بیلماق لازیمدیر کی اوندا اولان کافئین مرکزی عصب
سیستئمینه اثر قویار و آدرنالین ترشّوح ائله‌تدیرر. بو هورمون چتین و استرسلی
شراییطده ترشّوح تاپار کی شخص قاچماق و یا ساواشماغا آماده اولسون. هابئله قهوه
ایدرار گتیرندیر. بؤیرکلر تحریک اولوب آرتیق ایشله‌سه‌لر آرامیشه لازیم اولان
مادّه‌لر ایدرارینان بیرلیقدا دفع اولار.
بدنه کافئین چوخ یئتیشسه باغیرساقلار دا
حساس اولارلار و معدنی مادّه‌لرین جذبینده خیلل یارانار. ایستیرسیز اولسا, موضطریب
و نیگران اولساز حتماً 400 میلی گیرمدن آز کافئین مصرف ائله‌یین. توصیه‌میز بودور
کی فقط سحرلر بیر لیوان ایچه‌سیز.
انرژی گتیرن ایچمه‌لیلر
انرژی گتیرن ایچمه‌لیلرین طرفدارلاری
نوجوانلار ایچینده چوخدور آما بیلمه‌‌لیسیز کی بو ایچمه‌لیلر سیزین انرژیزی
چوخالتماق اوچون چوخلو میقداردا تورین, گوارنا آدیندا بیر برزیللی گیاه-کی قهوه‌نین
ایکی برابری‌جن کافئینی وار-, کافئین و قندلری وار . بو محصول‌لار سورنال یا فوق
کولیَوی غودّّه‌لرین تحریک ائدرلر و بئله‌لیغینان انرژی ذخیره‌لرین بوشالدارلار.
بونا گؤره مصرف احتیاجی دال به دال چوخالار و بئله‌لیغینان اعتیاد گتیرر. ایسته‌سز
انرژیلی اولاسیز بو مادّه‌لرین یئرینه موناسیب تغذیه‌ز اولسون و ورزیش ائله‌یین.
دوز
حاضیری و کونسئرو اولموش غذالاری یئماغا
عادتیز اولسا و یا فست‌فود موشتریسی اولساز بیلین کی دوز مصرفیز یوخاریدیر. طیبّی
نظردن دوزون چوخ مصرفی قان فیشارینا باعیث اولار.
شور غذالار بدنین بوتونلویونه و بئیین و
اعصابا چوخ فیشار گتیرر. بعضیلرین اعتیقادینا گؤره سالیم غذا اودور کی شور و شیرین
مادّه‌لری اولسون. دوزون مصرفین آزالدین تا آرامیشیز چوخالسین.
یاشیل چای
یاشیل چایدا تئین وار. بو آمینه اسید
کافئین کیمی قاندا دوپامین و سروتونین میقدارین موتعادیل ائلر. بو مادّه‌نی
چاییزدان حذف ائله‌ماق اوچون کیفایتدی کی چایین اوستونه توکولن سویو ائشیگه تؤکه‌سیز
و تازادان سو تؤکوب و قویاسیز اون دقیقه دملنسین. بو حالتده یاشیل چای آرامبخش
پولیفنول‌لارین آزاد ائلر. بو چایدا فوق‌العاده آنتی‌اوکسیدانلار وار. توصیه‌میز
بودور کی غذا اینن و یا بیلافاصیله غذادان سونرا چای ایچمه‌یین, چونکی دمیر جذبینه
مانع اولار. گون بویو داغ-داغ یاشیل چایی ایچسه‌ز فیکریز آرامیشه چاتار.
پروتئین مصرفی‌نین حددن چوخ اولماسی
پروتئین مصرفی‌نین سهمی غذایی برنامه‌نین
یوزده ایگیرمی‌سیندن چوخ اولمامالیدیر. بوشقابلاریزدان کربون هیدراتلاری یعنی
چؤرکلری حذف ائله‌سز پروتئین مصرفیز چوخالار. البته اگر ات تاپا بیلسز.
پروتئینلرده اولان تریپتوفان کربون هیدراتلارینان بیرلیکده شادلیق گتیرن
«سروتونین» هورمونون آزاد ائلر. حقیقتده بو کربون هیدراتلاردا اولان آمینه اسیدلر,
تریپتوفانین بئیینه نوفوذ ائله‌ماغی‌نین آچاری ساییلیرلار. بونا گؤره پروتئینلرینن
کربون هیدراتلارین بیرلیقدا مصرفی, آرامیش و خوش‌اخلاقلیغا باعیث اولار.
میوه و گؤیون یئمه‌مگی
میوه و گؤی معدنی مادّه‌لر و ویتامینلرین
منبعی‌دیلر کی سلامتلیق و آرامیشه سبب اولارلار. بوندان علاوه اونلار دولودولار
فیبرلرینن کی راحات دفعه کؤمک ائلرلر. اونلاردا اولان گلوسیدلر انرژی گتیرندیر و
سویوندان‌دا ایستیفاده ائله‌مک اولار.
بو مادّه‌لر خام یا بوخاردا پیشیلمیش
صورتده مصرف اولسالار چوخ راحات بدنه لازیم اولان ویتامین و معدنی مادّه‌لری تأمین
ائلرلر. میوه‌نی غذادان قاباق یا میان وعده عونوانیندا یوغورت, پنیر و بدامینان
یئیین. رنگلی گؤیلر یئیین. نارینجیلر ویتامین و یاشیل‌لار کلسیوم تأمینی اوچون فوق‌العاده‌دیلر.
غذانی یئیین یئمه‌یین
گونون ماشینی یاشاماسی اؤزونو یئماق نحوه‌سینه‌ده
تحمیل ائله‌ییب. غذا یئماق آرام موحیطده اولمالیدیر. غذانی آرامیشده یئماق اونو
دادماق و اوندان لذّت آپارماق لازیمدیر. قاچا قاچا ساندیویچ دیشله‌ینده و اؤزوزو
در دیوارا چیرپاندا اینتیظاریز اولماسین کی شاد و آراام اولاسیز. چالیشین غذانی
آرامیشلی و لذّتله یئیه‌سیز.
موناسیب اولمایان رژیملر
لازیم اولمایان کالوریلری آلماماغا
چالیشماغیز چوخ یاخجیدیر. آما لازیم اولمایان و چتین رژیملره بویون وئرنده و لازیم
اولان میقداردان آز کالوری آلاندا استرس و عصبلشماغا دوچار اولارسیز. موناسیب
اولمایان رژیملری اولانلار کی همیشه آغیرلانما نیگرانیدیلار, ایضطیرابلاری چوخ
اولار و عؤمرولری‌ده آز اولار.
یاغلاری کامیلاً حذف ائله‌ماق
دوزدور کی یاغلار کربون هیدراتلار و
پروتئینلره گؤره چوخ کالوریلری وار آما بدنینی سلامتلیغینا لازیمدیرلر. جماعت,
حیوانی یاغلار و قیزارتمالار کیمی ایشباع اولموش یاغلارین مصرفین آزالتماقدا یاخجی
ایش گؤرورلر.
آما اونون ترسه‌سی‌ده صادیقدیر. چوخ
فایدالی اولار کی سیز زیتون یاغی کیمی «مونو»ایشباع اولمامیش یاغلار و سویوق سو
بالیغی کیمی «پَلی» ایشباع اولمامیش یاغلار مصرف ائلیه‌سیز. بو یاغلارین آدی اومئگا
3دور و ایلتهابین منفی اثرلرین آزالدارلار و سیزی آرام و خوش‌اخلاق ائدرلر.
نهایتده توصیه‌میز بودور کی سالیم و
فایدالی غذالارین مصرفین موکمّیل‌لرین مصرفینه ترجیح وئره‌سیز.