همشهري آنلاين: ناسا بير 92 صفحه‌ليق بيانيه‌ده موختليف
اؤلكه‌لردن ايسته‌دي كي آي اوستونده اؤز گله‌جاق ايكتيشافلاريندا، ناسانين بيرينجي
فضانوردلري‌نين آياق ايزلرينه صدمه وورماسينلار.
ايسنانين گوزاريشينه، موختليف اؤلكه‌لرين حقلرين رعايت ائله‌ماق
اوچون، اينديه‌جن سياره آراسي قانون وضع اولماييب. موختليف اؤلكه‌لرين فضايي
برنامه‌لري و روسيه، ژاپن و هند كيمي اؤلكه‌لرين گلن ايگيرمي ايلين عرضينده آيا
فضانورد يوللاما برنامه‌لرينه گؤره، ناسا مقاملاري رسمي بيانيه صادير ائديب و آيين
گله‌جاق موسافيرلريندن ايسته‌ييبلر كي اونلارين آياق يئرلري‌نين حريمين رعايت ائله‌سينلر.
ناسانين 92 صفحه‌ليق متنينده گليب: لوطفاً آپولو و
آمريكانين فضانوردي سايتي‌نين محدوده‌سينه يئنمه‌يين و بيز ده سيزين ايكتيشافي
محدوده‌زده گؤروشميه‌جيوق!
ناسا طرفيندن حريمي‌نين رعايت اولونماسيني ايسته‌نيلن منطقه
آپولو 11 و 12،ايكتيشافي ماهواره‌نين يئنيش منطقه‌سي و آي اوستونده فضانوردلرين
آياق ايزلريدير.
بو ايستك بير زامان ياييلير كي آيا سفر ائله‌ماغا علاقه‌لي
اولان اؤلكه‌لردن علاوه، خصوصي شيركتلريندن حيمايت اوچون 2015_ ـه‌جن آيا روبات
يوللويا بيلن شيركته 30 ميليون دولارليق X Prize جايزه‌سي نظرده
آلينيب.
روبات گرك آيا يئنه و ويدئو تصويرلري و عكسلري يئره گؤنده‌ره.
بو ايكتيشافي سفره گئده‌بيلن بيرينجي تيم 20 ميليون دولار و ايكينجي تيم 5 ميليون
دولار جايزه آلاجاق.