اؤلكه‌نين هاواشيناسليق سازماني‌نين كول
موديري توز تورپاغين تازا موجونون گلمه‌سينه هوشدار وئردي.
ايسنانين گوزاريشينه گؤره، موهنديس
عبدالرضا امیدوار شهری دئدي: هاواشيناسليق نقشه‌لري و ماهواره تصويرلرين بررسليغي
نيشان وئرير كي کردستان، زنجان، قزوین و غربی و شرقی آذربایجانلارين جنوبوندا رقيق
توز تورپاق گؤروش مسافتيني آزالداجاق. بو شراييط بو اوستانلاردا يئلين چوخالماسي‌اينن
آرادان گئده‌جاق.
او، بونا ايشاره ائله‌ماغينان كي پيش‌بينليق
اولور سه‌شنبه‌يه‌جن رقيق توز تورپاغين ایلام، خوزستان، کرمانشاهين جنوبو و بوشهر
اوستانلاريندا ايدامه‌سي اولسون، تأكيد ائله‌دي: ائله شراييط حاضيردير كي چهارشنبه‌دن
هفته‌نين آخيرينه‌جن عراقين اوستونده تازا توز تورپاق توده‌سي يارانسين. بونا گؤره
نظره گلير كي چهارشنبه خردادين 10-و آخشامدان جمعه خردادي 12-نه‌جن اوّلده
کردستان، کرمانشاه، ایلام، خوزستان، بوشهر اوستانلاريندا و سونرا غربی و شرقی
آذربایجان‌لار ، زنجان، همدان، لرستان، چهارمحال و بختیاری، کهگیلویه ، بویراحمد
،بوشهر ،قزوین، البرز، تهران، قم، مرکزی و اصفهان اوستانلاريندا توز تورپاق
هاواني بولانديرا و گؤروش مسافتيني آزالدا.