«اوسكار» آدلي بو پيشيك باشا-باشي اوتاق اولان سالوندا
دولانير و احساس ائله‌ينده كي بيرينين اؤلوم وقتي چاتيب اوتاغا گئدير، ناخوشون
تختينه چيخير و باغلي جايناقلارين اونون اوستونه چكير و گرنه‌شير و بئله‌ليغينان
بيزه بيلديرير كي او شخص اؤلوم حاليندادير.
آمريكانين رسانه‌لري، اشخاصين اؤلومونو پيش‌بينليق ائله‌ماقلا
بير پيشيگين خاريق‌العاده گوجوندن خبر وئرديلر و اعلام ائله‌ديلر: قوجالار ائوينده
ساخلانان بو پيشيك، اشخاصين اؤلوموندن نئچه ساعت قاباق اونلارين اؤلوم حاليندا
اولماقلارين خبر وئرير.
ايسنانين گوزاريشينه گؤره، «براون» دانيشگاهي‌نين
اوستادياري و قوجالار موتخصيصي دؤكتور «ديويد دوسا» دئدي: بو پيشيك 5 ايل اولاركي
«رود آيلند» ده اولان قوجالار ائوينده ياشير و بو مودّتده ائليه بيليب ناخوشلارين
اؤلومونو دونيالارين دگيشمكدن قاباق پيش‌بينليق ائله‌سين.
او دئدي: «اوسكار» آدلي بو پيشيك باشا-باشي اوتاق اولان
سالوندا دولانير و احساس ائله‌ينده كي بيرينين اؤلوم وقتي چاتيب اوتاغا گئدير،
ناخوشون تختينه چيخير و باغلي جايناقلارين اونون اوستونه چكير و گرنه‌شير و بئله‌ليغينان
بيزه بيلديرير كي او شخص اؤلوم حاليندادير.
فكس نيوزون گوزاريشينه گؤره، «رود آيلند» قوجالار ائوي
دؤكتورلري‌نين دئديگينه گؤره بو پيشگين پيش‌بينليغي دؤكتورلرين قضاوتيندن
اعتيبارليدير. بو پيشيك 2007-جي ايلينده «نيو اينگلند» پزشكي مجله‌سينده اؤلوم
پيشگوسي آديندا تانيندي. نييه كي دؤكتورلر ناخوشلارين اؤلوموندن قاباق اونلارين
خانيواده‌لرينه خبر وئريرديلر تا سون گؤروش اوچون گلسينلر. بو بير ايمتياز ساييلير
و بو پيشيك اينديه‌جن بير دفعه‌ده ايشتيباه ائله‌مه‌ييب.
بو خبر شبكه‌سي‌نين گوزاريشينده گليب كي بو قوجالار ائوينده
آيري 5 پيشيك‌ده ساخلانيلير آما هئچ بير‌نين اوسكار كيمي قابيليّتي يوخدور.
دؤكتور «دوسا» بير يئرده دئميشدي كي من «اوسكارلا بير
گزينتي: فوق‌العاده گوجو اولان بير معمولي پيشيك» آديندا كيتابدا بو حيوانين نئجه
پيش‌بينليق ائله‌ماغين توضيح وئرميشم، آما بو گوجون هانسي منبعدن گلمه‌سيندن بير
سؤز دييه بيلمه‌رم. فقط بونو دييه بيله‌رم كي «اوسكار» سرطانين ايين بيلن ايتلر
كيمي، اؤلوم ايين بيلير.