جام جم آنلاين: تغذيه علملر موشاويري
دئدي: سوسوزلوق و اصلي غذا وعده‌لرين و يا ميان‌وعده‌لرين حذفي‌ده باش آغريسي
گتيرر.
سميه صمدي ايسناينان دانيشيقدا آرتيردي:
تحقيقلرين چوخو گؤرسه‌دير كي غذا و ايچمه‌لي‌لرين نوعي باش آغريلارينان ايرتيباطي
وار. بونا گؤره بو غذايي مادّه‌لرين حذفي و يا آزالتماسي باش آغريسين آرادان آپارا
بيلر.
او ايدامه وئردي: آلرژي يارالدان
غذالارين چوخو باش آغري‌دا گتيره بيلرلر ميثال اوچون باليق، متوگلوتامات سدیم-كي
بعضي حاضيري غذالاردا دادلانديرماق اوچون ايضافه‌له‌نر_ و اينك سوتونون پروتئيني
بعضيلرينده باش آغريسينا باعيث اولار.
صمدي تأكيد ائله‌دي: ياددان چيخارتماين
كي بوتون قالميش غذالار نيگهدارنده‌لره گؤره باش آغريسي گتيره بيلر. الكولي ايچمه‌ليلر،
آجيل، يئربادامي ياغي، لوبيه و پخله، سويا سوسو كيمي گلوتاماتلي غذالار، مصنوعي
شيرينله‌دنلر، سوسيس و كالباس كيمي نيتراتلي غذالار دا باش آغري گتيره بيلرلر.
تغذيه علملر موشاويري دئدي: باش آغريسي
اولانلارا توصيه اولور كي اوّلده باش آغري‌نين اصلي عاميلين تاپسينلار و
نيگهدارنده‌لي غذا مصرف ائله‌مه‌سينلر. بونا گؤره پيلاستيك قابلاردا ساخلانان
غذالارين مصرفي حدّ اقلّه چاتماليدير و گرك قالميش و كونسئرو اولموش غذالار يئمه‌سينلر.