جام جم آنلاين: بير عيده آيريلاري‌اينن موقاييسه‌ده داها
چوخ ترله‌ييرلر آما ترله‌ماغي آزالتماغا دؤكتورون توصيه‌لرينه عمل ائله‌ماقدان
قاباق، گرك ناخوش بير سئري آزماييشلر و آناليزلر وئره تا ترله‌ماغي چوخالدان عاميل
تانينسين.
بيزيم بو هفته‌كي ناخوشوموز 40 ياشلي بير آغادير كي چوخ
ترله‌ماقدان شيكايتي وار. او چوخ واخت حتي يازين سرين گونلرينده‌ده قيزيشير و بونا
خاطير بدني‌نين فعاليتي اولماديغي زامانلار و ميز داليسيندا اوتوروب كيتاب اوخويان
زامانلار دا ترله‌يير و بو مسأله اونو اذيت ائله‌يير.
ايستي فصل باشلاياندا بو مسأله اونون اوچون داها چوخ
محدوديت يارالدير. چونكي ايستي گونلر اللري و آياقلاري‌نين ايچيندن سونرا بدني‌نين
هر يئري جيم-جيلاق سو اولور.
بونا خاطير دؤكتوره گئديب تا اونون مشورتي‌اينن ترله‌ماغا
موناسيب درمان تاپسين.
دؤكتورون توصيه‌لري
ترله‌ماق بير شخصي خصوصيتدير. بير عيده آيريلاري‌اينن
موقاييسه‌ده داها چوخ ترله‌ييرلر. آما ترله‌ماغي آزالتماغا دؤكتورون توصيه‌لرينه
عمل ائله‌ماقدان قاباق، گرك ناخوش بير سئري آزماييشلر و آناليزلر وئره تا ترله‌ماغي
چوخالدان عاميل تانينسين.
هيپئر تيروئيد چوخ ترله‌ماق عاميللريندن ساييلير. اوندان
علاوه ديابت كيمي ناخوشلوقلار و يا مالاريا و سئل كيمي عفوني ناخوشلوقلار و هابئله
بعضي نادير ناخوشلوقلارا موبتلا اولماق او عاميل‌لردن ساييلير كي بدنده كي وَزلرين
ايشينه اثر قويار و ترله‌ماغا باعيث اولار. بونا خاطير هر جور تصميمدن قاباق گرك
بو موشكولو اولان شخص آناليز اولا تا بو زمينه‌ده‌كي احتيمالي عيلّتلر تاپيلا و
اونلارينان موناسيب درمانلار نظرده آلينسين.
چوخ ترله‌ماق او موشكول‌لردندير كي چوخلاري اوننان اوز به
اوزدولر. حقيقتده ترله‌ماق بدنين حرارتين آزالتماق اوچون بير يولدور. موختليف
شخصلرده ترله‌ماغا فرقلي اولگولر وار. آيري جور دئساق، بدنين حرارتين تنظيمه سالان
مركزي‌نين ايشي موختليف آداملاردا فرقليدير.
شخص قيزيشاندا قانين حرارتي چوخاليب. بو زمان
هيپوتالاموسدان دامارلارا بير پيام يوللانار و اونون داليسيجا دامارلارين آچيلماسي
و ترله‌ماغين چوخالماسي‌اينن بدنين حرارتي آزالار.
ترله‌ماغين جينس، ياش، ايرثي خصوصيتلر و موحيطه باغلي‌ليغي
وار و بو اساسدا اينسانلارين بدنينده ترله‌ماق وزلري 2 ميليوندان 4 ميليوناجن
فرقلي اولار.
ترله‌ماق تصوّوردن آرتيق شايع اولان موشكول اولدوغو اوچون،
سيزين‌ده بو موشكولوز اولسا اصلاً نيگران اولمايين. ترله‌مه داوالاريندان
ايستيفاده ائله‌ماق بو وضعيتين قاباغين آلماغا لاب ساده يولدور. ترله‌مه
داوالاريندا كلوريد آلومينيوم وار.
بير عيدّه بئله بيلير كي ترله‌ماغي آزالتماق اونلارين
ساغليغين خطره سالير. آما ديقّت يئتيرماق لازيمدير كي بدنين سطحي چوخ گئنيشدير و
اونون بعضي قيسمتلرينده بو يوللاردان ايستيفاده ائله‌ماق بير موشكول ياراتماز آما اگر
بدنين بوتون يئرلرينده ترله‌ماغين قاباغين آلسان شخصي ايستي وورار.
ترله‌مه داوالاريندا معمولاً آلومينيوم اولار و موختليف
صورتلرده او جومله‌دن محلول، ايسپري و يا فوم صورتينده بازارا وئريليب كي اونلار
بو موشكولو ياخجي صورتده حل ائديرلر.
چوخ ترله‌ين اينسانلارا توصيه اولور بو موشكولون عواريضين
مثلاً بدنين سوسوزلاماسي و معدني موادّين تعادولي‌نين بير-بيرنه دگمه‌سين آرادان
آپارماق اوچون چوخلو ميوه سويو و گؤي يئسينلر.
بوندان علاوه بيلماق لازيمدير كي ترله‌ماق بدنين انرژيسين
مصرف ائلر كي بو يورولماق و ضعف ائله‌ماغا دا باعيث اولا بيلر.