بوگونه‌جن بئله اينانساز كي فقط قوشلار اوچا بيلر، گرك دئياق كي ايشتيباه
ائليرسيز. بو سؤزو اينانماق اوچون بو يازيني اوخويون.
شايد بير عيدّه اوچان حيوان دئيه‌نده قوشلار يادلارينا توشسون. آما دئمه‌ليوق
كي يئر اوزونده ائله حيوانلار وار كي قوشلارا اوخشاماسالار دا اوچا بيليرلر. بو
يازيدا چاليشيريق سيزي بو اوچان حيوانلارين بعضي‌سي‌اينن تانيش ائلياق.
اوچان سنجاب
بو بالاجا حيوانين ظاهيري سنجابا بنيز كي چكيليب اوزانيبدير. اونون نازيك بدني
اونا بو ايمكاني وئرير كي جنگلده آغاجلارين ايچينده اوچسون. بدنين مخصوص
شكلي و يونگوللوغو او حيوانا ايمكان وئرير هر آتلامادا 87 متر اوچسون.
اوچان موش خورما
بوجور موش خورمالار داها چوخ استراليادا اولار و او حيوان نوعلارينداندير كي
اوزاق ايللردن بو جزيره‌ده ساكينديلر. بو حيوان هر آتلاماسيندا 40-50 متر اوچار و
اوچاندا ميلچك سسينه اوخشار سس چيخاردار.
لمور ميمونو
بو حيوانين چوخ مخصوص بدني وار كي حيوانا كؤمك ائدير هاواني راحاتليغينان
ياريب قاباغا گئتسين. بو ميمونون ال آياقلاري ظريف قانادينان اؤرتولوب. بو مخصوص اندام
باعيث اولور حيوان هاواني ياريب سورعتينن قاباغا گئتسين. بو ميمون هر اوچوشوندا
3230 متر اوچا بيلير. بو حيوانين قورخولو گؤركمي باعيث اولو ناغيللاردا اوشاقلاري
اوغورلايان ميمون آدلانسين.
اوچان كرتنكه‌له
بو كرتنكه‌له‌لرين قويروقلاري ائنليدير كي اونلارا هر آتلامادا 60 متر اوچماغا
ايمكان وئرير. بو مخصوص كرتنكه‌له‌نين باره‌سينده جاليب نوكته بودور كي اونلارين
قاباق طرفي يعني باش،بويون و اللري آيري كرتنكه‌له‌لره تايدير آما بو اونلارين
بدنلري‌نين آخيريدير كي آيري كرتنكه‌له‌لرينن فرقيليدير.
Mobula Ray
بو سو حيواني كي گئجه‌قوشونا بنزير تقريباً 5.2 متر ائني وار و سودان ايكي متر
فاصيله آچا بيلر. بو باليقلار بير تون آغيرليغينا دا چاتا بيلرلر.
اوچان باليق
بو سو حيوانين ظاهيري آدي‌اينن توتور. بو كيچيك باليغين ايكي گؤزل قاناتي وار
و سودان چيخاندا بو قاناتلارين كؤمگي ايله ثانيه‌ده 18 متر سورعتي‌اينن 396 متر
اوچا بيلر. بو باليق اوچاندا سويون اوزوندن 6 متر فاصيله آچا بيلر.
اوچان موركّب باليق
بو سو حيواني قوش اولمايان حيوانلارين ايچينده لاب عجيب
نوعدور كي اوچماق قابليّتي وار. بو سو حيوانيندان اله گلن تصويرلره ديقّت
يئتيماغينان دئمك اولار كي بو حيوانين بدنينده مخصوص اندام وار كي اونا سودان
چيخماغا و اوچماغا كؤمك ائلير و الده اولان تصويرلر و مدركلره اساساً دئمك اولار
كي بو حيوانين اوچماق قابليّتينده شك يوخدور.
بو سو حيوانين اوچماق قابليّتي عاليملر آراسيندا موناقيشه‌ليدير.