بير تغذيه موتخصيصي‌نين دئديگينه گؤره، بعضي يئمكلري بير
يئرده يئمك اؤلدوروجو اولا بيلر و يا ايده‌آل غذايا ال تاپماغا مانع اولار.
دؤكتور شيوا مرتضايي
دئدي: هئچ‌واخت اؤزوزو ارزيشلي يئمكلردن محروم ائله‌مه‌يين. هابئله بعضي يئمكلر
بيرليقدا يئييلسه‌لر اؤز ارزيشلرين الدن وئررلر و گاهدان موشكول يارالدارلار.
ميثال اوچون قوهونو بالينان بيرليقدا و اريگي يوغوردونان بيرليقدا يئماق اؤلومه
چكه بيلر.
او دئدي: خياري ياغلي و اَتلي يئماقلارينان يئسن غذانين
ارزيشين آزالدار و ايمكاني وار آيري عاميللر ده اولسا مسموم اولماغا سبب اولا.
بو تغذيه موتخصيصي دئدي: داغ يئماقلار كي ضعف و حؤصله‌سيزليغا
باعيث اولار، درمان اولماسا ناخوشلوق منشأي و حيرصلنماق سببي اولار. هابئله يئماق
آراسيندا سو ايچماق هضمه ايختيلال يئتيرر و معده ياراسينا دا باعيث اولار.
دؤكتور مرتضايي آخيرده توصيه ائله‌دي: بوتون يئماقلارينان
يوغورت يئماق چوخ ياخجي‌دير و سوموكلرين پوكالماسي‌نين قاباغين آلار، گؤزلري
ايشيقلانديرار، آغيزين پيس ايين آپارار و غذانين هضمين راحاتلادار، آما غذادا
اولان دميري آزالدار و يا خونثا ائلر. بونا گؤره قانسيز اولان شخصلر دميري اولان
غذالارينان يوغورت يئمه‌سينلر و يا غذادان ايكي ساعت سونرا يوغورت يئسينلر.