ايمام خميني‌نين(ره)، سوادآموزي نهضتين
تشكيل تاپماسينا و بئساوادليغينان موباريزه آپارماغا عمومي بسيج دستوري 1358 شمسي
ايلينده صادير اولدو. او زمان جماعتين هاميسينا تأكيد اولونموشدو كي بو موهوم
امرده شيركت ائله‌سينلر و ساوادسيزلارين ساوادلانماسينا چاليشسينلار. حضرت ايمام
خميني (ره) تأكيد بويورموشدولار كي هر كس هر يئرده هر جور ائليه‌بيلسه
ساوادسيزلارا كؤمك ائله‌سين تا اونلار دا يازيب اوخوماق نعمتيندن بهره‌لنسينلر. بو
امردن سونرا بو موهوم امري سهمانا سالماق اوچون سوادآموزي نهضتي تشكيل تاپدي.
ايمامين بو تاريخي پيامي‌نين بير بؤلومونده گليب: «اوتانماليدير كي علم و ادب
بئشيگي اولان بير اؤلكه كي ايسلام كؤلگه‌سينده ياشير كي علم اؤيرنمگي واجيب بيلير،
يازيب اوخوماقدان محروم اولسون. بيز گرك اؤلكه‌ميزين وابسته فرهنگيني موستقيل و
خودكفاليغا تبديل ائدك و اينديدن، وقتي الدن وئرمه‌دن، ساوادسيزليغينان ضربتي
موباريزه آپاراق و عمومي قيامينان انشاءالله ياخين گله‌جاقدا هامي ايبتيدايي يازيب
اوخوماغي اؤيرنسين؛ بونا گؤره لازيمدير كي بوتون ساوادسيزلار اؤيرنمگه و بوتون
باجي قارداشلار اؤيرتمگه آياغا قالخسينلار.
ايمامين پيامي‌نين متني بئله‌دير:
بسم الله الرحمن الرحيم
ن و القلم و مايسطرون (قورآن كريم)
ايرانين شريف جماعتي! سيز بيليرسيز كي
سابيق رژيمده او زاد كي ايرانين موباريز جماعتينه كؤلگه سالميشدي، ديكتاتورلوق و
ظولمدن سونرا، پوچ تبليغات و هئچ‌زادي هر زادي جيلوه وئرماغيدي، بوتون حواييجدن
محروم اولان جماعت بئله تلقي اولوردو كي ترقّي قولّه‌سينده‌دي. هر جماعت اوچون
لازيم اولان حواييجدن كي بهداشت و مسكن سطحينده و بلكه اونلاردان دا موهومدور
همگاني آموزشدي. مع‌الاسف بيزيم اؤلكه‌ميز بير جماعتين واريثيدير كي كئچن رژيمده
بو بؤيوك نعمتدن محروم ايدي و جماعتين چوخو يازيب اوخوماق باشارميرديلار، هله
قالسين عالي تحصيلات. « اوتانماليدير كي علم و ادب بئشيگي اولان بير اؤلكه كي
ايسلام كؤلگه‌سينده ياشير كي علم اؤيرنمگي واجيب بيلير، يازيب اوخوماقدان محروم
اولسون. بيز گرك اؤلكه‌ميزين وابسته فرهنگيني موستقيل و خودكفاليغا تبديل ائدك و
اينديدن، وقتي الدن وئرمه‌دن، ساوادسيزليغينان ضربتي موباريزه آپاراق و عمومي
قيامينان انشاءالله ياخين گله‌جاقدا هامي ايبتيدايي يازيب اوخوماغي اؤيرنسين؛ بونا
گؤره لازيمدير كي بوتون ساوادسيزلار اؤيرنمگه و بوتون باجي قارداشلار اؤيرتمگه
آياغا قالخسينلار و آموزش و پرورش ويزارتي بوتون گوجو اينن آياغا قالخا و
تشريفاتسيز و ايماني باجي قارداشلاري بو دردلي نقيصه‌ني آرادان آپارماغا بسيج
اولون و نقصين ريشه‌سيني قورودون. تعليم و تعلّوم بير عيبادتدير كي آللاه بيزي
اونا دعوت ائديب. مسجيدلرين ايمام جماعتلري، شهرلرده و كندلرده جماعتي چاغيرسينلار
و مسجيدلرده و حوسئينيه‌لرده ساوادلي‌لار يازيب اوخوماغي ساوادسيزلارا اؤيرتسينلر
و دولتين ايقداميني گؤزله‌مه‌سينلر و شخصي ائولرده، ساوادلي اعضا خانيواده‌نين
ساوادسيزلارينا آموزش وئرسينلر و ساوادسيزلار بو ايشدن بويون قاچيرتماسينلار. من
عزيز جماعتدن اومودوم وار اؤز يوخاري هيمّتلري‌اينن، وقتي الدن وئرمه‌دن، ايراني
مدرسه‌يه چئويرسينلر و هر گئجه-گوندوز بئكار وقتلريني، بير-ايكي ساعت بو گؤزل ايشه
مشغول اولسونلار. آياغا قالخين كي آللاه تعالا سيزينله‌دير. موتعال آللاهدان شريف
جماعتين ريفاه، ساغلامليق و سعادتيني آرزيليرام.
و السلام عليكم و رحمت الله و بركاته
روح ا… موسوي الخميني