جام جم آنلاين: تغذيه موتخصيصي دئدي: قاپيز شادليق گتيرن
ميوه‌لردندير و روحي جهتدن چوخ ياخجي تأثيري اولار.
مرتضي صفوي دئدي: قاپيز سولو ميوه اولدوغو اوچون، بدنين
سويون تأمين ائله‌ماغا موناسيب ميوه‌لردندير.
«قاپيزين قندي و كالوريسي لاب آشاغيدير كي بؤيرك و هضم
دستگاهي ناخوشلاري اوچون چوخ موناسيبدير.»
بو تغذيه موتخصيصي آرتيردي: قارپيز A و C ويتامينلر
قايناغيدير و آسم، تصلب الشرائین، باغيرساق سرطاني و آرتروز كيمي ناخوشلوقلاري
آرادان آپارار.
صفوي‌نين دئديگينه گؤره، قارپيز كاروتنيدلي آنتي‌اوكسيدان
(ليكوپن) اوچون ياخجي قايناقدير. ليكوپن بير شيميايي رنگدانه‌دير كي قارپيزين
رنگين قيرميزي ائديب و گوجلي آنتي‌اوكسيدان‌دير.
او آرتيردي: بو آنتي اوكسيدان بدنين هر يئرينه گئديب آزاد
رايكال‌لاري خونثا ائدر. آزاد راديكال‌لار بير پارا مولكول‌لارديلار كي بدنين چوخ
بافتلاري آرادان آپارارلار.
بو تغذيه
موتخصيصي دئدي: بير ليوان قارپيز سويو بدنين C ويتامينه گونده‌ليق اولان احتياجين يوزده
ايگيرميسين و A ويتامي‌نين
يوزده اون‌دؤردون تأمين ائدر.
صفوي دئدي: قارپيز B گروهونون ويتامينلري باخيميندان‌دا دولودور
و پوتاسيم و غذايي فيبر اوچون‌ده ياخجي قايناقدير.