اورك و دامار موتخصيصي: اورك ناخوشلاري دوزون مصرفين
آزالتسينلار.
جام جم آنلاين: اورك و دامار موتخصيصي دئدي: اورك
ناخوشلوقلاري اولانلار گرك يئمكلرينده آز دوز ايستيفاده ائده‌لر.
محمد رضا معتمدي آرتيردي: اورك ناخوشلاري‌نين دوز مصرفي‌نين
ميقداري، ناخوشلوقلاري‌نين شيدّتينه باغليدير. او بونو دئماغينان كي دوز يئمك
قانين حجمين چوخالدار، دئدي: دوز يئمك باعيث اولار مايعات بافتلارا سوزسون و ورم و
تنگي نفس چوخالسين.
معتمدي بونا ايشاره ائله‌ماغينان كي دوزدان پرهيز
«سوديوم»دان پرهيزدير، آرتيردي: معمولي دوز دولودور سوديومونان آما آيري يئمكلر
وار كي يوخاري ميقداردا سوديوملاري وار و گرك اونلاردان‌دا پرهيز ائله‌ماق.
بو اورك و دامار موتخصيصي دئدي: اورك چاتيشمامازليغي اولان
ناخوشلارين گرك موناسيب يئمك رژيملري اولا چون كي يئمكلرين چوخوندا دوز وار.
معتمدي بونا ايشاره ائله‌ماغينان كي حاضيري يئمكلر،
چاشنيلار و تنقولات دوزونان دولودولار، آرتيردي: قانين فيشارين كونترول ائتمك و
اورك و دامارين ساغلامليغيني ساخلاماق اوچون گرك ساليم بير يئمك رژيمي رعايت اولا.