اينديه‌جن بارماقلاريزدان عكاسليق
دوربيني كيمي ايستيفاده ائله‌ميسيز؟ شايد بو سوآل سيزي اوشاقليق زمانلارينا آپارا
كي اؤز بارماقلاريزينان بير عكاسليق دوربيني‌نين حجميني خيال ائدرديز و اوننان عكس
سالارديز. آما ائشيتسز كي بو اوشاقليق اويونو بير گون واقعيته تبديل اولار نه دئيه‌رسيز؟
Yeon Su Kim
بير طراحدير كي اؤز ايده و طرحي‌اينن ايستير بو خيالي واقعيته چئويره. بو طرحده،
اينديه تاي دوربين آديندا فيزيكي بير شئي يوخدور. «يوان سو كيم»ين طرحينده ايكي
حلقه‌دن ايستيفاده اولاجاق كي دوربين نقشين اوينورلار. حلقه‌لرين بيرين-كي لنزي
وار- باش بارماغيزا سالاسيز و او بيري حلقه‌ني ايشاره بارماغيزا سالاسيز و ايشاره
بارماغين حركتي‌اينن كادري تنظيم ائديب ايسته‌ديگيز عكسي سالاسيز. فيليم گؤتورمك
ايسته‌سز بارماغيزي بير آز اَگسز كيفايت ائلر (هندي كم له فيليم گؤتورن زمان كيمي)
تا فيليم گؤتورمكدن كئف ائليه‌سيز.
عكس و تصويرلرين ذخيره‌سي اوچون موبايل گوشي‌سينه وصل
اولماق ايمكاني نظرده آلينيب تا گوشي‌نين حافيظه‌سينده ثبت اولسون. شايد بو طرح
چوخلاري‌نين نظرينه ذهندن اوزاق و خيالات گله، آما ياددان چيخارتمامالي‌ييق كي
اينسان چاليشير خياللاري واقعيته ياخينلاتسين.