دؤكتورلر كيوي داديندان خوشلاري گلميه‌نلردن
ايسته‌ديلر كي بو ميوه‌ني چوخ فايدالي ماده‌لرينه گؤره يئسينلر.
ايسنانين گوزاريشينه گؤره، كيوي ميوه‌سي
معدني مادّه‌لر و ويتامينلرله دولودور. بو ميوه‌ده چوخلو ، C
و E ويتامينلري وار. ويتامين C سودا حلال بير
آنتي‌اوكسيدان‌دير كي بدني كؤكلوقدان، اورك و دامار و سرطان ناخوشلوقلاريندان
ساخلار.
E ویتامینين‌‌ده اثري C ويتامينينه تايدير، آما ياغدا حلال آنتي‌اوكسيدان‌دير، كيوي ميوه‌سي
بو ايكي ويتامينله دولو اولودوغو اوچون بدندن، آزاد راديكال‌لارين قاباغيندا
موغايات اولار.
كيوي‌ده اولان غذايي فيبر، قانداكي قندين
ميزانين كونترول ائتمكله، ديابت كيمي ناخوشلوقلارين درماني اوچون فايداليدير. كيوي
يئمك هابئله روده سرطانين قاباغين آلار و اونون يوخاري ميقدارداكي فيبري قانين
كولسترولون آزالدار.
دؤكتورلر هابئله اورك ناخوشلوقلاري
اولانلارا توصيه ائله‌ديلر كي هر گون بو ميوه‌دن يئسينلر تا ايكينجي سكته‌نين
احتيمالي آزالسين.
ايسنانين ايندين تايمزدان نقل ائدن
گوزاريشينه گؤره، بو ميوه‌نين آيري فايدالاريندان بونلاري دئمك اولار:
آسم ناخوشلوغونون قاباغين آلار اؤسكورك و بوغاز خيشيلتي‌‌سي‌نين مخصوصاً
اوشاقلاردا قاباغين آلار.