جام جم آنلاين: تهرانين پزشكي علملر
دانيشگاهي‌نين اوستادي دئدي: سيگار چكنلرين بدنلري‌نين ايمني سيستمي‌نين ضعيفله‌مه‌سينه
گؤره عؤمرلري 25 ايل آزالار.
گلناز خان محمدی آرتيردي: سيگار چكنلرين
يوزده دوخساني، عؤمرلري‌نين بويوندا بو اعتياد گتيرن ماده‌نين مصرفينه خاطير
موختليف ناخوشلوقلارا موبتلا اولارلار.
او بونو دئماغينان كي سيگار چكنلرين بدني
«لوپوس اریتماتوز» ناخوشوغونا داها موستعيد اولورلار دئدي: بو ناخوشلوق توكلرين
توكولمه‌سي، آغيزين ياراسي و هابئله ال-اوزده و باشداكي جوشلارا باعيث اولار.
خان‌محمدي آرتيردي: سيگار چكنلر آلتميش
درصد داها آرتيق آبمورواريد ناخوشلوغونا و كورلوغا موبتلا اولارلار.
بو داخيلي ناخوشلوقلار موتخصيصي بونا
ايشاره ائله‌ماغينان كي سيگار دري‌يه اينعيطاف وئرن پروتئينلري آرادان آپارار،
دئدي: سيگارداكي موخدير ماده A ویتامیني آرادان
آپارير و قانين دريده‌كي آخيميني آزالدار.
خان محمدي، سيگار چكنلرده قولاق عوفونتي‌ني
آيريلاريندان دؤرد برابر موبتلا اولماسين دئييب آرتيردي:دونيا بهداشت سازيماني‌نين
تحقيقاتي نيشان وئرير كي هر ايل توسعه‌حاليندا اولان اؤلكه‌لرده 600 مين نفردن چوخ
سيگار چكماغا خاطير اورك و دامار ناخوشلوغونا موبتلا اولوب اؤلورلر و بو آمار
ايرانلي‌لارا هوشدار زنگي‌دير.
او دئدي: سيگاردا اولان نيكوتين اورك
دؤيونمه‌سين، قانين فيشارين و دامارلارين توتولماسين چوخالدار و اورك سكته‌سينه
باعيث اولار.
بو دانيشگاه اوستادي، بدن اورگانلاري‌نين
دوزليشينده ظاهير اولان برگر ناخوشلوغونون سببيني‌ده سيگار بيليب آرتيردي: سيگاردا
40 جوره سرطان گتيرن ماده‌نين اولماسي، سيگار چكنلرده معده‌نين يارالانماسي ،
قارا جيگر و بؤيرك چاتيشمامازليغينا باعيث اولور.