جام
جم آنلاين: حيوانلارين چوخو يئرآلتي سولارين شيميايي دگيشمه‌لريني بيلير و بئله‌ليغينان
زلزله‌ني پيش‌بينليق ائدير.
دانيشمندلر
بئله اينانيرلار كي حيوانلاردا بو گوجون اولماسي باعيث اولور اونلار زلزله‌دن
قاباق عجيب غريب ايشلر گؤرسونلر. موحقيقلر 2009-جو ايلينده اوندان سونرا كي
گؤردولر ايتاليانين لاكوئيلاسيندا وَزَغلر زلزله‌دن نئچه گون قاباق، ياشاديقلاري
گؤلو ترك ائله‌ديلر، بو شيميايي دگيشمه‌لرين اوستونده تحقيقه باشلاديلار و دئديلر
حيوانلارين بو ايشي زلزله‌نين پيش‌بينليغينا مربوط اولا بيلر.
ايللر
بويو موطاليعه‌دن سونرا دانيشمندلر بير مكانيزمي توضيح وئرديلر كي او مكانيزمده
يئرين اوست قابيغيندا فيشار آلتيندا اولان داشلار باردار ذره‌لر آزاد ائليرلر كي
يئرآلتي سولاري‌اينان عكس‌العمل گؤرسديرلر. يئرآلتي سولارين ياخينليغيندا ياشايان
جانليلار بو سولارين لاب كيچيك دگيشمكلرينه حساسديلار و بو اوزدن داشلارين
بير-بيرينه سورتوشمه‌سيندن نئچه گون قاباق بو دگيشمه‌لري بيليرلر.
اوپن
دانيشگاهي دانيشمندلري‌نين اومودو وار، اونلارين فرضيه‌سي بيولوژيستلر و
ژئولوژيستلره بو ايلهامي وئرسين كي بير-بيرلريله همكارليق ائديب بو حيوانلاردان
زلزله‌ني قاباقجادان بيلماغا ايمكان تاپالار.
لاکوئیلا
وزغلري زلزله‌دن قاباق اؤزلريندن عجيب غريب حركتلر گورسه‌دن بيرينجي جانليلار
دئييل‌لر. چوخلو گوزاريشلر وار كي بو حركتلر سورونن‌لر، سودا-قورودا ياشايانلار و
باليقلاردا گؤروشوب. بونونلا بئله قاريشقا كيمي جانليلار زلزله‌دن قاباق بئله
ايشلر گؤرمورلر. آما ايلانلار كي 1975 ده كي زلزله‌يه تاي، چينده زلزله‌دن
بير آي قاباق اؤز يووالارين ترك ائتميشديلر، زلزله‌ني قاباقدان بيلمك قودرتلري
وار.
لاكوئيلا وزغلري‌نين حاديثه‌سيندن سونرا موحقيقلر بيلديلر
كي داشلار يوخاري فيشار آلتيندا (مثلاً تكتونيكي حركتلريندن ناشي اولان فيشارلار)
اؤزلريندن باردار ذره‌لر آزاد ائديرلر كي بو ذرّه‌لر اطرافداكي داشلارين آراسيندا
جريان تاپيرلار و يئر اوزونه چاتاندان سونرا هاوا ايله عكس‌العمل نيشان وئريب
اونون مولكول‌لارين يوْنا تبديل ائدير.
بي‌بي‌سي‌نين گوزاريشينه گؤره، بو يونلار اينسانين باشين
آغريديب اورگين بولانديرار و حيوانلارين قانلاري‌نين استرس هورمونون چوخالدار. بو
ذره‌لر هابئله سو ايله عكس‌العمل نيشان وئريب هيدروژن پراكسيدي دوزلدرلر. بو
زنجيرلي عكس‌العمل‌لر، گؤلده اولان اورگانيك ماده‌لره اثر قويوب اونلاري ضررلي
ماده‌يه چئويره بيلر كي سودا ياشايان جانلي‌لارا ضررلي اولسون. موحقيقلر بونا
اينانيرلار كي بو بوروشوق مكانيزمين گيزلي زاويه‌لري وار و بو اوزدن بوروشوق
آزمايشلره احتياجي وار.