بو تيلويزيونون ايشلريندن بيري‌ده بودور كي اينترنتده‌كي
فيلملره بؤيوك صفحه‌ده باخماق اولار و بي‌اسكاي‌بي كيمي تانينميش تيلويزيون
شيركتلريني ريقابته چاغيرير.
«اپل» شيركتي تازا بير تيلويزيون دوزلدير كي نه نكجه
تاماشاچي‌نين سسين ائشيدير و ترپشيقلارين و ايشاره‌لرين گؤرور بلكه اونلاري درك
ائلير.
ايسنانين گوزاريشينه گؤره، بعضيلري خاص زمانلار مثلاً
فوتبال موسابيقه‌سي زماني تيلويزيونا باخاندا هيجانا گليرلر و تيلويزيونا طرف
قيشقيريرلار. اونلار ياخين گله‌جاقدا سسلرين و حركتلرين «اپل»ين آي‌تي‌وي(iTV) تيلويزيونوندا گؤره‌جاقلار.
بو تيلويزيونون ايشلريندن بيري‌ده بودور كي اينترنتده‌كي
فيلملره بؤيوك صفحه‌ده باخماق اولار و بي‌اسكاي‌بي كيمي تانينميش تيلويزيون
شيركتلريني ريقابته چاغيرير.
تازا بير تيلويزيون دوزلتماق فيكيري بو شيركتين بيناسين
قويان «استيو جابز»ين اؤلوموندن سونرا چوخالدي نييه‌كي جابز اؤلوموندن سونرا
چاپ اولان بيوگرافيسيندا بوتؤو بيرتيلويزيونون دوزلتماق آرزيسيندان يازميشدي كي
اوندان ايستيفاده ائله‌ماق راحت اولسون.
جابزين طرحينه گؤره، بو تيلويزيون شخصين بوتون دستگاهلاري‌اينن
و هابئله «اپل»ين آي‌كلودي‌اينن بوتؤولوقدا موطابيق اولا و ايشلتمه‌سي چوخ راحات
اولا.
اوكتوبر آييندا بللي اولدو كي آمريكانين ايختيراعلار ثبت
شيركتي، تازا «اپل» دستگاهين جوزيياتين آليب كي حركتلر و ايشاره‌لرين تصويري
كونترول ائله‌مه‌سينه ايش وئره‌جاق.
بدنين تر‌پشيقلاري‌اينن فيلمي ائديت ائله‌ماق اولار يا بير
فيلمي تيلويزيوندان تيليفونا يوللاماق اولار. تازا آي‌فون گوشيلري‌ده تازاليقدا سس‌ايله
كونترول اولماق قابيليتينه صاحيب اولوبلار كي بو تكنولوژي تازا تيلويزيوندا دا
ايشله‌نه بيلر.
جفريس بانكيندان اولان، آمريكا تكنولوژي تحليلچيسي، پيتر
ميسك دئدي: ايندي او بيري تيلويزيون دوزلدنلر اؤز گئنيش تحقيقلريني آي‌تي‌وي
تيلويزيونون و اونون ايشلري‌نين تانيماسينا باشلاييبلار تا «اپل»ين قاباغا گئدمه‌سي
اثرينده آيري شيركتلرين عاقيبتينه دوشمه‌سينلر.