12 فروردین، چرشنبه گونو،
بوتون دونیادا امنیت متخصصلری اوچون چتین بیر گون ایدی.
سایبر امنیت تیملرینین
اطلاعاتی وپیشبینیلری گؤستریر دی کی کانفیکر قوردو (کرم کانفیکر) اون
بئش میلیون کومپوتئری بلهیهندن سونرا، بوگون ایستراتئژیسینی دییشمهیه و گئنیش
بیر حمله اوچون فعاللاشماغا آمادهلشیر.
آوریلین آیک گونو ده حملهسیز
گئچدی؛ چوخو آسیادا اولان بلنمیش (آلوده) کومپوتئرلرین هئچ بیرینده ده هئچ بیر
غیر-عادی فعالیت گؤرونمهدی.
البته هله ده کانفیکئرین خطری
آرادان گئتمهییبدیر و بو جور قورد(کرم)لارین ماهیتینه گؤره بونلارین اولماسیندان
خطر احساس اولونور (بونلار اکثراً بؤرک قویماق و آرتیق پول قازانماق اوچون
طرّاحلیق اولونور).
تاریخی ماشالار!
بورادا، فعاللاشما تاریخی (Trigger/ ماشا) اولان
ویرۆسلردن و قوردلاردان – کی آدلارینی سایبر امنیت تاریخینده ثبت ائتدیلر – یاد
ائتمک هئچ ده یئرسیز اولمایاجاقدیر. بو قوردلار، معمولاً، 1990_لی ایللرده لاپ چوخ
توجهلری اؤزلرینه جلب ائتدیلر؛ هاکچیلار (هکرها) دا، اونلاردان، تاریخی واقعهلری
خاطیرلاماق و یا اؤز منفعتـلری اوچون فایدالانیردیلار.
• میکئل‌آنگئلو (Michelangelo)
بو ویروس 1991_ده تانیندی. هر
ایل 6 مارتـدا، DOS
عامیل سیستئمینه تخریبکار بیر حمله آپاراردی (Malicious). 1997_ده
مایکروسافت بو ویروسون حملهلرینین قاباغینی آلماق اوچون بیر یول تاپدی و میکئل‌آنگئلو
خنثی اولوندو.
• چرنوبیل (CIH)
چرنوبیل ویروسونون جالیب
تاریخی واردیر. بو ویروسون تایوانلی طراّحینین دوغوم گونو 26 آوریل، اوکراینین
چرنوبیل آتوم نیروگاهینین نشت حادیثهسیایله
بیر گوندهدیر. ائله بونون اوچون، بو گونو، ویروسون فعاللاشما گونو اولاراق
استفاده ائتدی کی بلنمیش (آلوده) کومپوتئرلرین هارددیک و BIOS_لارینین اطلاعاتینین بیر
قیسمتینی سیلسین.
• کلئز (Klez)
فئوریه 2002_ده ایمئیل
یولویلا یاییلیب مایروسافتین Outlook
سئرویسینین امنیتی رخنهسیندن آدرئس دفترچهسینه گیریب آیری کومپوتئرلره
گوندریلمهیی باشاردی. کلئز، میلادی ایلین تک (فرد) آیلاریندابلنمیش کومپوتئرلرین
ویندووز فایللارینی سیلردی. سایبر امنیت شرکتـلری، بو ویروسون یاییلیب
داغیلماسیندان بیر آی سونرا، بو ویروسون سیقناتورونو (شناسه/ Signature) منتشر ائتدیلر.
• بلاستئر (Blaster)
Blaster یا MS-Blast 11، آگوست 2003_ده
یاییلدی. اوچ هفته سونرا مایکروسافت، ویندووز عامیل سیستئمینه بیر امنیتی رخنهنین
اولونماسیندان خبر وئردی. Blaster،
15 آغوست 2003_ده بو رخنهدن سوء-استفاده ائدیب ماشانی چکیب ویندووزون گۆنجللشمه (Up-to-Date) سئروئرینه حمله
ائتمک اوچون طرّاحلیق اولونموش ایدی. سونرالار کشف اولان بو ویروسون کودونون بیر
قیسمتینده بیل گئیتسه خطاب اولوناراق بئله یازیلمیشدی: "پول قازانمانی بوشلا؛
نرم‌افزارینین مشکوللرینی حل ائله". مایکروسافت، بو ویروسون حملهسینین (DoS (Denial Of Service) قاباغینی آلماق
اوچون اؤزونون گونجللشمه وئبینین سئرورینی (سرور وب به روزرسانی) آرادان آپاردی.
• مایدووم (MyDoom)
ژانویه 2007_ده تاپیلدی. 2004
فئوریهنین 1 – 12_جی گونلری آراسندا فعاللاشیب SCO (UnixWare سیستئمینی دوزلدن) شیرکتینین
وئبسایتیناDos حملهسینی ائتمک اوچون طراحلیق اولونموشدور. SCO دا مایدوومون حملهلریندن
آماندا قالماق اوچون وئبسیتهسینی دییشدی.مایدوومون آیری بیر جۆرو، DDoS (Distributed Denial Of Service
توفیقلی حملهسینی مایکروسافتین وئبسیتهسینه ائلهدی. دئملیدیر کی
مایکروسافت و SCO
مایدوومون طراحلاری بارهده بو شیرکتلره فایدالی اطلاعات وئرنلره 250000 دولار
جاییزه تعیین ائدیبدیرلر. میکروسافت، کانفیکئر اوچون ده بونا بنزر بیر جاییزه
تعیین ائدیبدیر.
• سوبئر (Sober)
2005_ین
نووامبریندا ظاهیر اولودو. قرار ایدی 5 و 6 ژانویه 2006_دا کی نازی حیزبینین
تأسیسینین 78_جی ایل دؤنومویدو، بیر نئچه حمله ائتسین. بو ویروسون اؤز سئروئریندن
بیر کودلار دانلود ائدیب تازا ویروسلر دوزلدهبیلمهسی قابیلیتی واریی ایدی.
البته، بو ویروس شکستله اوزبهاوز گلدی و اونون طرفیندن بیر حمله گزارش اولونمادی.