بير جيسمه باخايب گؤزوموزو اوندان
گؤتورندن سونرا گؤزوموزده اوندان بير تار تصوير قالير و ايندي ژاپونلي
دانيشمنلر بيليبلر كي بو تصويرلر بير موكميل شكلين ايچينده اولورلار كي آلتي
گوشه‌لي يا دايره اولورلار.
ايسنانين علمي سرويسي‌نين گوزاريشينه
گؤره، كيوتو دانيشگاهي‌نين موحقيقلري‌نين دئديگينه گؤره، بو نتيجه‌لر نيشان وئرير
كي بو تصويرلر گؤزده يوخ بلكه بئينده تشكيل تاپير.
داها كارشيناسانه دئساق، بو تصويرلر
شبكيّه‌ده يوخ بلكه تصويرلري پردازيش ائدن بصري قشرده توليد اولورلار. بو
تاپيلانلار Psychological Science مجلّه‌سينده
مونتشير اولوب.
موحقيقلر ترتيب‌اينن 82، 92، و 44 نفرين
اوستونده اوچ آزماييش انجام وئرديلر.ايكي آزماييشده داوطلبلره ساري رنگده آلتي
گوشه‌لي و دايره شكل‌لر گؤرستديلر كي يا بير كولّي طرح يا دؤلو، آياق اوسته يا
فيرلانان و بير بوْز زمينه‌نين اوستونده نيشان وئرديلر.
هر آزماييشده 10 ثانيه‌دن سونرا تكجه
بوْز صفحه گؤروشوردو.
موحقيقلر داوطلبلردن ايسته‌ديلر كي
گؤردوقلاري تصويري هر هانسي هانسي شكله اوخشاديرلار كاغاذ اوستونده چكسينلر.
اوچونجو آزماييشده، موحقيقلر گؤرمه
مئيدانيني ايكي گؤز آراسيندا بؤلدولر. داوطلبلر سول گؤزلري‌نين تصويرينده دايره،
آلتي گوشه و دولانان اولدوزلار گؤرودولر كي نه دايره‌ايدلر و نه زاويه‌لري واريدي.
آما ساغ گؤزون تصويري بوتون شراييطده
ثابت دايره‌لريدي. دايره‌لرين، آلتي گوشه‌لرين و اولدوزلارين يوخ اولماسي‌‌اينن،
سولون ميداني قارانليقلاشيب و تصويرلرين دوزليشي سركوب اولوردو، بير حالداكي ساغ
گؤز آغليغا چكيردي و بو تصويرلرين شيدّتي چوخاليردي.
بو دانيشمندلر قاباق كي نظريه‌ني كي
دئييردي شبكيّه يورولاندا و يا اثرسيز اولاندا آغارير، رد ائله‌ديلر.
ثابيت آلتي گوشه‌لي و دايره‌لرين
موشاهيده‌سي باعيث اولور شبكيه‌ده دايره و آلتي گوشه‌لي ناحيه‌لر يارانسين،
بونونلا بئله يارانان تصويرلر آغارميش تصوير دئييللر. بير دايره يا فيرلانان آلتي
گوشه‌لي، شبكيّه‌ده فيرلانان ايشيق مسيري يارالدير و باعيث اولور نقاشي‌يه بنزر
بير آغارمانين فيرلاناماسي اونون اوستونده يارانسين. بو بير حالدادير كي فيرلانان
دايره‌لر آلتي گوشه‌لي تصويرلرين دوزلمه‌سينه و بالعكسه باعيث اولور.
گؤزون آغارماسي شبكيّه‌نين
آغليغيندان فرقلي شكل دوزلده بيلمز. هابئله شبكيه بو ايشي گؤره بيلمز كي سول گؤزدن
آلان تصويري ساغ گؤزده ايستيفاده ائله‌سين. بو اوزدن تكجه اورگان كي بو ايشي گؤره
بيلر بئييندير.