موحقّيقلر دونيانين ساده شيميايي تركيبي
يعني H2O موريدينده اؤز عجيب كشفلرينده بيلديلر كي سو دونماق نوقطه‌سيندن
داها سرينله‌شنده تازا بير مايعه تبديل اولور.
ايسنانين گوزاريشينه گؤره كومار و يوجين
استنلي Journal of Physical Chemistry B مجله‌سينده چاپ
اولان گوزاريشده بو مسأله‌ني توضيح وئريبلر كي سو بير عجيب مايع‌دير كي 80 جوره
غئير معمول خصوصيتي وار و دانيشمندلر اونلاري درك ائله‌ماغا چاليشيرلار.
ميثال اوچون سو بير زماندا اوچ ماده
حالتينده (دورو،جاميد و گاز) اولا بيلير. اونون اوزونده‌كي نيرولار بعضي حشره‌لره
ايجازه وئرير اونون اوستونده يئريسينلر و هابئله ائليه بيلير اؤزونو گؤينتي‌لرين
ريشه‌سيندن يارپاق و سقه‌لرينه يوخاري چكسين.
تازا عجيب خصوصيت كي دانيشمندلر
تاپيبلار، سودا بو قابليتين اولماسيدير كي بير مايع‌دن آيري مايعه دگيشير كي
«مايع-مايع» اينتيقال فازي آدلانير. اونون اوستونده آزيماييش ائله‌ماق اينديكي
تجهيزاتينان ايمكانسيزدير، چون كي بو عمل چوخ يوخاري سورعت‌اينين انجام تاپير. بو
اوزدن دانيشمندلر بو فازي آراشديرماق اوچون كامپيوتر شبيه‌سازليغيندان ايستيفاده
ائديرلر.
اونلار بيلديلر كي سو بو آزماييشده
سويوياندا بوتون مايعلر كيمي ايستيني اينتيقال وئرماغا گيراييشي آزالير. آما اوندا
كي سو 54 درجه فارنهايت صيفرين آلتينا چاتير، ايستيني داها ياخجي اينتيقال وئرير.
بو دانيشمندلرين آختاريشلاري نيشان وئرير
كي بو دمانين آشاغيسيندا، دورو سو يئيين و موداويم دگيشير و مايع‌نين محلي دوزليشي
چوخ مونظم اولور و بوزا اوخشور. دورو سويون دوزليشينده بو دگيشيك‌ليكلر باعيث
اولور او آشاغي دمالاردا دماني داها آرتيق اينتيقال وئره‌بيلسين.
دانيشمندلرين دئديغينا گؤره، بو
تاپيلانلار بو نظريه‌دن حيمايت ائلير كي سويون مايع-مايع اينتيقال فازي وار.