سنگاپورلي
دانيشمندلر ذخيره اولان ايطّيلاعات حجمي‌نين گونجاييش موشكولونو آرادان آپارماق
اوچون ساده بير ماده‌دن ايستيفاده ائله‌ديلر. بو ماده همان گونده غذايا ووردوغوموز
دوزدور.
سنگاپورلي
دانيشمندلر هارد توليدينده تازا رويشدن ايستيفاده ائله‌ماغينان «سوديوم كلورايد»
يا همان دوزونان كامپيوتر هاردلاري‌نين گونجاييشيني 6 برابر چوخالتديلار.
بو كشف
سنگاپورون ميلّي تكنولوژي و علملر آژانسي‌نين تحقيقاتي مؤسّيسه‌سي‌نين موحقيقلري
طرفيندن اولوب. بو موطاليعه‌ده دانيشمندلر بير رويش يارالديبلار كي هاردين اوستونه
يئرله‌شن ايطيلاعاتين حجميني هر اينچ موربعده 3.3 ترابايت چوخالدير. بازاردا اولان
هاردلاردلارين 6 برابر حجمي.
بو
ديسكلرين دوزلمه‌سينده سوديوم كلورايدين ايشلنمه‌سي بو معنايادير كي هر بير مغناطيسي
صفحه‌نين اوستونده ايكيلي كودلارين اولگولري مونظم‌راق اولور و بئله‌ليكله آرتيق
ايطيلاعاتين ثبتينه ايمكان تاپيلير. دوز، ايكيلي كودلارين ثبتينده ايشله‌نن
الكترون شوعاعلارين آيدينليغيني چوخالدير.
تلگيرافين
گوزاريشينه گؤره، موحقيقلر بو طرحين تيجاري اولماسيني 2016 دان تئز بيلميرلر.
اونلارين دئديگينه گؤره تازا تكنيكلر اؤز ثمرلي‌ليغيني الدن وئرنده گرك تازا شيوه‌لر
اونلارين يئرين توتسون تا ديسكلرده يئرله‌شن ايطيلاعاتين حجميني چوخالتماق اولسون.