بعضی ادویه‌لر انسان بدنینده یاغلارین و قندلرین داها آرتیق و سرعتلی اریمه‌سینه سبب اولار.
Steptohealth-ین وئردیغی خبره گؤره، ادویه‌لر ساغلاملیغی یاخشیلاتماقان علاوه یوخاری قان فشاری، ایکینجی نوع دیابت و . . . کیمی ناخوشلوقلارین قاباغینی آلا بیلرلر و اونلاری منظم شکلده مصرف ائله‌ماق آریقلاماغا سبب اولا بیلر.
زَیرک: بو ادویه متابولیزمی آرتیرار و چوخلو فایدالارنیدان علاوه آریقلاماغا دا سبب اولار.
استی اوت: آریقلاماغا سرعت وئرماق اوچون بو ادویه‌دن استفاده ائلیه بیلرسیز. بو ماده بدنین سوسولوغونون قاباغینی آلار و قان فشارینی تنظیم ائلر.
هل: بو ماده هضم سیستمینی گوجلندیرر و آریقلاماغا ایده‌آل ماده ساییلیر. اونون خوش عطری افسرده‌لیغین‌دا قاباغینی آلماقدا تأثیرلیدیر.
خردل: خردل دانالاری بدنین حرارتینی چوخالتماغینان کالری اریمه‌سینه سرعت وئررلر. سیز ورزشدن قاباق اوچ چای قاشیغی خردل داناسی یئماغینان اونون فایدالاریندان داها آرتیق بهره آپارا بیلرسیز.
ساری کؤک: تحقیقلره گؤره بو ادویه یاغلارین تشکیل تاپماسی‌نین قاباغینی آلار. اونون مصرفی کؤکلماغین قاباغینی آلماغا یاخجی ایش ساییلیر. ساری کؤرک دیابتین‌ده قاباغین آلار و انسولین مقابلینده مقاومتین آرتماسی‌نین قاباغینی آلار.
زنجفیل: یاغ اریتماق خاصیتیندن علاوه ضد التهاب خاصیتینه گؤره هضم سیستمینی آراملادار. گونده صبحانه زمانی بیر فنجان زنجفیل چایی یاخشی اولار.
دارچین: دارچین بدنده‌کی اسیدی آزالدار و هضم سیستمینی تنظیمه سالار وآنفولانزا اینن مبارزه ائلر. قانین قندینی تنظیمه سالار و تریگلیسیرین و پیس کلسترولون مقدارینی تنظیمه سالار و متابولیزمی آرتیرار. دارچینی دسرلرده مصرف ائلیه بیلرسیز. اونو چای اینن بیرلیقدا دا ایچه بیلرسیز.