بین المللی فضایی ایستگاهین فضانوردلری، بیرینجی اوچ بُعدلو پرینترینن پرینت اولموش ماهواره‌نی یئرین مدارینا اؤتوردولر.
آسوشیتدپرسین وئردیغی خبره گؤره، ایکی فضانورد بو ماهواره‌نی کئچن هفته سه شنبه گونو یئرین مدارینا اؤتوردولر.
ایکی روس فضانورد فیودور یورچیکین و سرگی ریازانسکی، 5 نانوماهواره‌نی گؤیه اؤتوردولر. بو ماهواره‌لرین اندازه‌سی بیر ایکی فوتدان آرتیق دئییل. اونلار یاواش یاواش بین المللی فضایی ایستگاهدان اوزاقلاشدیلار.
ماهواره‌نین اؤرتوسو و باطری پکی اوچ بُعدلو پرینترینن چاپ اولوب. بو برنامه‌دن هدف پرینت اولموش قطعه‌لرین فضا محیطینده امتحان اولونماسیدیر.
هر حالدا پرینت اولموش ماهواره‌نین معمول الکترونیک مدارلاری وار. بو ماهواره‌لرین آغیرلیغی 10 الی 24 پونددور و 5 الی 6 آی گؤیده قالماقلاری نظرده آلینیب.