محقق‌لرین توصیه‌سینه گؤره گونده‌لیق یاریم فینجان گیرده‌کان یئماق هضم سیستمینی یاخجی ساخلار و سرطان ریسکینی آزالدار.
گیرده‌کان یئماغینان باغیرساقلارداکی پروبیوتیک باکتریلرین سایی چوخالار و بئیین و اورک ناخوشلوقلاری هابئله سرطانین ریسکینی آزالدار و هضم سیستمیندن مواغایات اولار.
حیوانلار اوستونده اولان آزمایشلردن، بوللو گیرده‌کان یئماغین باغیرساقلاردا Lactobacillus، Roseburia، و Ruminococcaceae کیمی فایدالی باکتریلرین چوخالماسینا سبب اولاجاغی اورتایا چیخیب.
محقق‌لرین دئدیگینه گؤره، گیرده‌کان پروبیوتیک کیمی عمل ائلیر و باغیرساغی سالم ساخلایان باکتریلرین تغذیه‌سی و بؤیومه‌سینه سبب اولور.
لوئیزیانا ایالتی دانشگاهی‌نین محقق‌لر تیمی‌نین رئیسی بو باره‌ده دئییر: باغیرساقلارین ساغلاملیغی بدنین باشا باشی‌نین ساغلاملیغی اینن ارتباطدادیر. بیزیم تحقیقیمیز گیرده‌کان مصرفی‌نین باغیرساقدا دَییشیکلیگه سبب اولاجاغینی گؤرسدیر. و ائله بو مسأله بو خورگین آیری اورک و بئیین فایدالارینا دا سبب اولا بیلر.
او آرتیردی: گیرده‌کان مصرفی، اورک – دامار و سرطان ناخوشلوقلارین ریسکینی آزالتما کیمی مختلف فایدالاری وار.
محقق‌لرین دئدیگینه گؤره، گیرده‌کانین بیواکتیو جزءلری بو فایدالاری یاراتماقدا تأثیرلی اولان فاکتورلاردان اولا بیلر.