تازا تحقیقلر فقط بیر گئجه یاتماماق بئیینده شیمیایی ماده‌نین آرتیق آخماسینا سبب اولور و بو مسأله‌نین ده آلزایمرینن رابطه‌سی وار.
اول‌لر محققلر یوخوسوزلوغونان آلزایمرین رابطه‌لی اولدوغونو بیلیردیلر آما بللی دئییلدی آلزایمر یوخوسوزلوق گتیریر یوخسا یوخوسوزلوق آلزایمر گتیریر.
آما ایندی محققلر حتی بیر گئجه یوخوسوزلوغون بئینین بتا آمیلوئیدی‌نین آرتماسینا سبب اولاجاغینا و نتیجه‌ده بئیین سلول‌لاری‌نین رابطسه‌نی قیرماغا منجر اولماسینی بیلیرلر.
بو ماده‌نین مقداری طبیعی حالدا نورمال حدّینه قاییتسا دا یئنه دال با دال آییق یوخوسوز قالماغین نرونلارین آرادان گئتمه‌سی و حافظه‌نین سیلینمه‌سینه سبب اولاجاغیندان قورخولور.
هابئله محققلر، نئچه گئجه دال با دال یوخوسوز قالماغینان بئیینده «تاو پروتئینی» آدلی بیر شیمیایی ماده‌نین ییغیلیب توده اولدوغوندان خبر وئریرلر.
واشگتونون پزشکی دانشکده‌سی‌نین بئیین و اعصاب قسمتی‌نین رئیسی، پروفسور دیوید هولتسمن بو باره‌ده دئییر: بو تحقیقده بللی اولدو کی یوخوسوزلوق، بئیینده آلزایمرله رابطه‌لی اولان ایکی پروتئینین آرتماسینا سبب اولور. اورتا یاشلاردا مزمن یوخوسوزلوغون آلزایمره سبب اولاجاغینا اینانیروق.
بو تحقیقده 35 الی 65 یاشلی 17 نفر یوخو مشکلی اولمایان شخص مطالعه اولوندو. اونلارین هر بیری‌نین بیلگینه بیر مانیتور باغلانیب آزمایش وضعیتینده ایکی هفته بویونجا اونلارین یوخوسونو مرتب شکلده اوجا سیگنال سسلریله مختل ائله‌دیلر.
بو آزمایشدن سونرا آزمایش اولان شخصلر نخاعی پونکسیون معرضینده اولدولار کی بئیین و اونورقاداکی 'بتا آمیلوئید' و 'تاو' پروتئینلرین مقداری اؤلچولسسون.
بو مطالعه بئیین مجله‌سینده منتشر اولونوب.